Masallıda ağsaqqallar və əlillər üçün istirahət guşəsinin açılış mərasimi
08 aprel 2025-ci il tarixdə Masallı şəhər Şah İsmayıl Xətai Parkında ağsaqqallar və əlillər üçün istirahət guşəsinin açılış mərasimi keçirilmişdir.
Mərasimdə Masallı rayon İcra Hakimiyyətinin Başçısı Araz Əhmədov, aparatın şöbə müdirləri, rayonun ağsaqqalları, ziyalıları, şəhid ailələri, əlillər və media mənsubları iştirak etmişlər.
İlk öncə mərasim iştirakçıları Azərbaycan Xalqının Ümummilli Lideri Heydər Əliyev və torpaqlarımızın azadlığı uğrunda canından keçən qəhrəman şəhidlərimizi bir dəqiqəlik sükutla yad etmişlər.
Masallı rayon İcra Hakimiyyəti Başçısının təşəbbüsü və təşkilatçılığı ilə daxili imkanlar hesabına 0,06 ha sahədə tikilmiş istirahət güşəsinin 83 kv.metr hissəsi ağsaqqallar üçün və 70 kv.metr hissəsi isə nitq qüsurlu əlillərin asudə vaxtlarının səmərəli keçirmələri üçün yaradılmışdır.
Açılış mərasimdə çıxış edən rayon rəhbəri ağsaqqalları yeni binanın açılışı münasibəti ilə təbrik etmiş və asudə vaxtlarının səmərəli keçirmələri üçün onlara müasir standartlara uyğun şəraitin yaradıldığını bildirmişdir.
Tədbir iştirakçıları ağsaqqallara və xüsusəndə əlillərə göstərilən diqqət və qayğıya görə başda ölkə rəhbəri olmaqla rayon rəhbərinə dərin minnətdarlıqlarını bildirmişlər.
