Masallıda rayon rəhbəri evi yanan vətəndaşın yeni tikilən evinə baxış keçirmişdir
Masallı Rayon İcra Hakimiyyətinin təşəbbüsü və təşkilatçılığı ilə qəsəbə xeyriyyəçilərinin maddi dəstəyi Ərkivan qəsəbəsində yanan ev yenidən tikilərək vətəndaşın istifadəsinə verilmişdir.
Bununla əlaqədar olaraq Masallı Rayon İcra Hakimiyyətinin Başçısı Araz Əhmədov Ərkivan qəsəbəsində evi yanan Yadulla Əliyevin ailə üzvləri ilə yeni tikilmiş evində görüşmüş və ailənin qayğıları ilə maraqlanmışdır.
Ev sahibi ona göstərilən diqqət və qayğıya görə, evinin tikintisi və daim diqqətdə saxlanıldığına görə Ölkə Başçısı Cənab İlham Əliyevə, Rayon rəhbərinə, xeyriyyəçilərə və zəhməti olan hər kəsə minnətdarlığını ifadə etmişdir.
