Masallıda bələdiyyələrin fəaliyyəti barədə müşavirə
18 aprel 2025-ci il tarixdə Masallı rayon İcra Hakimiyyətinin inzibati binasında Masallı Rayon İcra Hakimiyyətinin Başçısı cənab Araz Əhmədovun rəhbərliyi ilə bələdiyyələrin fəaliyyəti barədə müşavirə keçirilmişdir.
Müşavirədə yeni formalaşmış bələdiyyələrin fəaliyyəti, görülmüş işləri, vergilərin və icarə haqlarının yığılması, nöqsanlar və onların aradan qaldırılması müzakirə edilmişdir.
Masallı Rayon İcra Hakimiyyətinin Başçısı cənab Araz Əhmədov müşavirəni açaraq bildirmişdir ki, 29 yanvar 2025-ci il tarixdə keçirilmiş Bələdiyyə seçkilərində əhali tərəfindən seçilmiş yeni tərkib artıq formalaşmış, yeni yaradılmış 18 bələdiyyə üzrə sədrlər və müavinlər seçilmişdir. Köhnə bələdiyyələrin fəaliyyətinin qənaətbəxş olmadığını qeyd edən rayon rəhbəri yeni bələdiyyələrin işlərini qanunun tələblərinə uyğun şəkildə qurmasını, vergilərin və icarə haqllarının vaxtında yığılmasını, nöqsanlara yol verməmələrini və problemlərin vaxtında həll etmələrini tövsiyə etmişdir.
Müşavirədə rayon rəhbəri bələdiyyə mülkiyyətində olan torpaqların təyinatı üzrə təhlililin aparılması, zəbt olunmuş torpaqların zəbtdən azad olunması, maliyyə hesablarının tənzimlənməsi, məişət tullantılarının vaxtında toplanması və daşınamsının təşkili, əmlak və torpaq vergilərinin yığılmasını təmin etmək, yığılan vəsaitlərin təyinatı üzrə sərf etmək, bələdiyyə balansında olan yolların təmir olunması, bələdiyyə binalarının və ərazilərinin abadlaşdırılması məsələləri ilə bağlı tapşırıq və tövsiyələrini vermişdir.
Rayon rəhbəri müşavirədə mövcud nöqsanlara toxunaraq bildirmişdir ki, artıq 3 aya yaxın vaxt keçməsinə baxmayaraq yeni bələdiyyələrin fəaliyyəti arzu olunan səviyyədə deyildir. İlk müşavirədən sonra bələdiyyələrin daha fəal olmalarının vacibliyini vurğulayan İcra Hakimiyyətinin Başçısı növbəti müşavirəyə qədər bələdiyyələrin fəaliyyətlərini gücləndirəcəyinə ümid etdiyini bidirmişdir.
