Masallıda “Milli dəyərlər və həmrəylik-milli birlikdən gələcəyə” adlı konsert proqramı
30 dekabr 2025-ci ildə Masallı Rayon İcra Hakimiyyəti və Lənkəran-Astara Regional Mədəniyyət İdarəsinin birgə təşkilatçılığı ilə 31 dekabr Dünya Azərbaycanlılarının Həmrəyliyi Günü və Yeni il münasibətilə “Milli dəyərlər və həmrəylik-milli birlikdən gələcəyə” adlı konsert proqramı təşkil olunmuşdur.
Tədbirdə Masallı Rayon İcra Hakimiyyəti başçısı aparatının əməkdaşları, idarə, müəssisə və təşkilat rəhbərləri, ərazi nümayəndələri, bələdiyyə sədrləri, təhsil, mədəniyyət sahəsində çalışan əməkdaşlar, tələbələr, şagirdlər, həmçinin ictimaiyyət nümayəndələri iştirak etmişlər.
Əvvəlcə Ulu Öndər Heydər Əliyevin, eləcə də Azərbaycan Respublikasının suverenliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilmişdir.
Daha sonra çıxış edən Lənkəran-Astara Regional Mədəniyyət İdarəsinin Masallı rayonu üzrə nümayəndəsi Salman Yunusov tədbir iştirakçılarını 31 Dekabr Dünya Azərbaycanlılarının Həmrəyliyi Günü və Yeni il münasibətilə təbrik etmiş, onlara xoş arzularını çatdırmışdır.
Ardınca konsert proqramı təqdim olunmuşdur. Konsertdə Firudin Səfərov, Atamoğlan Zahidov, Peyman Zahidov, Nurlan Bayramov, Şamo İbayev, Gülər Kərimli, Mahmudavar kənd Folklor Evinin “Halay” folklor xalq kollektivi, Mirəhməd Kərimov, Murad Quluzadə, Zaur Quluzadə, Aysel Nərimanova, Gündüz Babayev və Gülnar Cabbarova bir-birindən rəngarəng ifalar nümayiş etdirmişlər.
