Rayon rəhbəri Masallı ərazisində şəhid məzarlarını ziyarət etdi 09.02.2026
Masallı Rayon İcra Hakimiyyətinin başçısı tərəfindən rayon ərazisində yaşayan şəhid ailələri, müharibə əlilləri və müharibə iştirakçıları daim diqqət mərkəzində saxlanılır, onların qayğı və problemləri ilə mütəmadi maraqlanılır, yaranmış çətinliklərin aradan qaldırılması istiqamətində mühüm addımlar atılır.
Qeyd olunanlara nümunə olaraq, 09 fevral 2026-cı il tarixdə Masallı Rayon İcra Hakimiyyətinin başçısı Araz Əhmədov, hüquq-mühafizə orqanlarının rəhbərləri, başçının birinci müavini, başçının müavini – Sosial-iqtisadi və memarlıq-tikinti məsələləri şöbəsinin müdiri, ərazi nümayəndəsi, media nümayəndələri və ictimaiyyət nümayəndələrinin iştirakı ilə şəhidlərin məzarları ziyarət edilib.
Ziyarət zamanı şəhidlərin məzarları önünə tər gül dəstələri düzülmüş, onların əziz xatirəsi ehtiramla yad edilmişdir.
Ziyarət zamanı “Masallı Ziyalıları” İctimai Birliyinin sədri Qardaş Məhərrəm oğlu Fətullayevin məzarı ziyarət edilmiş və ruhuna dualar oxunmuşdur. Uzun illər Masallı rayonunun ictimai-siyasi həyatında, xüsusilə təhsil sahəsində fəal fəaliyyət göstərmiş Qardaş Fətullayev “Tərəqqi”, “Əmək veteranı” və “Həmrəylik” medalları, eləcə də “Heydər Əliyevin 100 illiyi (1923–2023)” yubiley medalı ilə təltif edilmişdir. O, 6 fevral 2026-cı il tarixində baş vermiş yol-nəqliyyat hadisəsi nəticəsində 79 yaşında vəfat etmişdir.
