Masallıda Beynəlxalq Qadınlar Gününə həsr olunmuş bilik yarışı keçirilib
- 2-03-2018, 14:29
- Təhsil
- 0
- 1 677
Masallıda Beynəlxalq Qadınlar Gününə həsr olunmuş bilik yarışı keçirilibMartın 2-də Masallı rayon Gənclər və İdman İdarəsinin, təhsil şöbəsinin təşkilatçılığı ilə ASAN İntellektual Mərkəzində 8 Mart Beynəlxalq Qadınlar Gününə həsr olunmuş rayon tam orta ümumtəhsil məktəblərinin qızlardan ibarət IX-XI sinif şagirdləri arasında “Breyn rinq” İntellektual bilik yarışı üzrə rayon birinciliyi keçirilmişdir.
Açılış mərasimində rayon gənclər və idman idarəsinin rəisi Camal Manafov, təhsil şöbəsinin metodisti Abbas Abbaszadə “Azərbaycan gəncliyi 2017-2021-ci illərdə” Dövlət Proqramının prioritet istiqamətləri üzrə gənclərin daha geniş kütləsinin intellektual faəliyyətə cəlb olunması, gənclərin milli mənəvi dəyərlərin qorunması, intellektual inkişafı, asudə vaxtlarının səmərəli təşkili, vətənpərvərlik hisslərinin aşılanması, istedadlı gənclərin üzə çıxarılması istiqamətində görülən işlərdən, həyata keçirilən tədbirlərdən danışmışlar.
Bilik yarışında E.Əhədov adına Təzə Alvadı kənd 1 nömrəli tam orta məktəbin komandası birinci, Q.İsmayılov adına Şərəfə kənd tam orta məktəbinin komandası ikinci, Ə.Bəylərbəyov adına Xıl kənd tam orta məktəbinin komandası isə üçüncü yeri tutmuşdur.
Qalib komandalar təşkilat komitəsinin kubok, diplom və medalları ilə təltif edilmişdir.
“Yeni həyat”,
www.yeniheyet.az
