Masallıdakı güləş turnirində respublikanın 19 komandası iştirak edib

Masallıdakı güləş turnirində respublikanın 19 komandası iştirak edib

Azərbaycan Güləş Federasiyasının, Masallı Rayon Gənclər və İdman İdarəsinin birgə təşkilatçılığı ilə Masallı Olimpiya İdman Kompleksində 20 Yanvar şəhidlərinin xatirəsinə həsr olunmuş yunan-Roma və sərbəst güləş idman növü üzrə yeniyetmələr arasında açıq rayon turnirinə yekun vurulub.
Əvvəlcə şəhidlərimizin əziz xatirəsi bir dəqiqəlik sükutla yad edilib, dövlət himnimiz səslənib.
Turnirin açılış mərasimində çıxış edən Masallı Rayon Gənclər və İdman İdarəsinin rəisi Sabiq Cahangirov gələn qonaqları salamlayıb, idmançılara uğurlar arzulayıb.
Bildirilib ki, yarışların təşkilində məqsəd 20 Yanvar şəhidlərinin xatirəsinin ehtiramla anılması, yeniyetmələri idmana cəlb etməklə onlar arasında dostluq əlaqələrini möhkəmləndirmək, rayonda güləşin kütləviliyini təmin etməkdən ibarətdir.
Masallı, Cəlilabad, Lənkəran, Zaqatala, Samux, Şəmkir, Neftçala, Salyan, Tovuz və Abşeron rayonlarının, Bakı və Gəncə şəhərlərinin, Naxçivan Muxtar Respublikasının yeniyetmə idmançılarının qatıldığı turnir iki gün (15-16 yanvar) davam edib.
Ümumilikdə 19 komandanın iştirak etdiyi yarışlar gərgin mübarizə şəraitində keçib. 2005-2007-ci il təvəllüdlü atletlər 11, 2008-2010-cu il təvəllüdlülər isə 7 çəki dərəcəsində güclərini sınayıblar.
Yunan-Roma güləşi üzrə 196, sərbəst güləş üzrə 210 idmançı arasında ilk üçlüyə sahib olanlar Masallı Rayon Gənclər və İdman İdarəsi tərəfindən müvafiq diplom və medallarla təltif olunub.
 


 
Akif AĞAYEV,
www.yeniheyet.azшаблоны для dle 11.2