Təzə şeirlər
- 17-05-2022, 20:30
- Maraqlı
- 0
- 345
Bu yurdun Qəhrəman ər oğulları Qarabağ müharibəsi iştirakçılarına
Dastan yaratdılar, tarix yazdılar,
Bu yurdun qəhrəman, ər oğulları.
Xain düşmənləri torpağımızdan,
Qovdular Vətənin nər oğulları !
Düşmənin səddini yardı ordumuz,
Onların belini qırdı ordumuz.
İgidlər yurdudur bizim yurdumuz,
Yurdun Polad kimi var oğulları.
Düşmənlərin qanın tökdü Mübariz,
Onlara göz dağı çəkdi Mübariz
Tək deyil, kim deyir təkdi Mübariz,
Yurdun Mübarizdir hər oğulları.
Aşılmaz dağları aşdıq Şuşada,
Biz zəfər bayrağın sancdıq Şuşada
Şaxtaya, borana düşdük Şuşada,
Qorxuda bilmədi qar, oğulları.
Eloğlu, həsrətlə ötsə də illər,
Şükür, doğma yurda qayıtdı ellər.
Bir dəmir yumruqda birləşib əllər,
Yaşasın, var olsun, var oğulları.
Qədiməli ELOĞLU,
Masallı rayonu, Birinci Yeddioymaq kəndi.
"Yeni həyat" qəzeti,
www.yeniheyet.az
