Masallıda “18 May Beynəlxalq Muzeylər Günü” ilə əlaqədar tədbir

16 may 2025-ci il tarixində Masallı Tarix-Diyarşünaslıq Muzeyinin təşkilatçılığı, Mədəniyyət işçiləri Həmkarlar ittifaqı Masallı rayon komitəsinin dəstəyi ilə “Beynəlxalq Muzeylər Günü” və “Muzeylər, Konstitusiya mədəniyyəti və milli suverenlik-tarix işığında”  adlı tədbir keçirilib.

Masallı Tarix-Diyarşünaslıq Muzeyində baş tutan tədbir Ulu Öndər Heydər Əliyevin və Azərbaycan Respublikasının suverenliyi və ərazi bütövlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi  ilə başlanıb.

Tədbiri giriş nitqi ilə açan Masallı Tarix-Diyarşünaslıq Muzeyinin direktoru, Əməkdar mədəniyyət işçisi Əntiqə Tağıyeva 18 May Beynəlxalq Muzeylər Günü eyni zamanda Konstitusiya və Suverenlik ili çərçivəsində keçirilən  tədbirin mahiyyəti barədə geniş məlumat verib.
 Sonra Masallı rayon İcra Hakimiyyəti  başçısı aparatının İctimai-siyasi və humanitar məsələlər şöbəsinin baş məsləhətçisi Nuranə Muradova bildirdi ki, ölkəmizdə muzey işinin təşəkkül tapması və inkişafı müstəqil Azərbaycanın qurucusu və memarı, Azərbaycan mədəniyyətinin böyük hamisi Heydər Əliyevin adı ilə bağlıdır. Ümummilli Liderin Azərbaycana rəhbərliyi dövründə muzey işi öz inkişafının yeni mərhələsinə qədəm qoyub, respublikamızın bütün bölgələrində yeni muzeylər yaradılıb. Masallı tarixinin də güzgüsü 1963-cü ildə yaradılmış, həmin vaxt üçün Hişkədərə kəndində fəaliyyət göstərən Tarix-diyarşünaslıq muzeyidir. 2005-ci ildən muzey onu yaradanının Rəhim Tağıyevin adını daşıyır. 03 sentyabr 2016-cı il tarixdə cənab Prezident İlham Əliyevin iştirakı ilə Tarix-Diyarşünaslıq muzeyinin yeni binasının açılışı olmuş və həmin vaxtdan etibarən muzey Masallı şəhərində fəaliyyətini davam etdirir.  

Daha sonra çıxış edənlər, YAP Masallı Rayon Təşkilatının sədri Seyfəddin Əliyev, Lənkəran-Astar Regional Mədəniyyət İdarərəsinin nümayəndəsi Salman Yunusov, iki şəhid anası Ziba Əsgərova və Masallı Kitabxana Sisteminin direktor əvəzi Zamin Məmmədov  əlamətdar gün münasibətilə muzeysevərləri təbik edərək xalqlar arasında mədəni mübadilə və əməkdaşlığın inkişafına kömək məqsədilə təsis olunmuş Beynəlxalq Muzeylər Gününün əhəmiyyəti, beynəlxalq və respublika muzeyləri haqında məlumat verdilər. Masallı Tarix-Diyarşünaslıq Muzeyinin yaradılmasında Əməkdar müəllim, İkinci Dünya müharibəsi veteranı Rəhim Tağıyevin əməyini yüksək dəyərləndirən çıxışçılar bu şərəfli və məsuliyyətli işin muzey yaradıcısının övladı Əntiqə Tağıyeva tərəfindən 23 ildir ki, layiqincə davam etdirildiyini diqqətə çatdırıblar.

Tədbirdə Masallı Dövlət Regional Kollecinin tələbələri, Onbirillik İncəsənət məktəbi, Kürdəbaz, Qarğalıq kənd yaradıcılıq evləri, Masallı şəhər  2 nömrəli və Hişkədərə kənd tam orta məktəbinin şagirdlərinin ifasında təqdim olunan ədəbi-bədii kompozisiyalarla davam etdirilib.
Yekunda kompozisiya təqdim edən uşaq və gənclərə Masallı Tarix-Diyarşünaslıq Muzeyinin Təşəkkürnaməsi təqdim edilib.














шаблоны для dle 11.2