Milli Qəhrəman Səfəralı Məmmədovun doğum günü ilə əlaqədar anım tədbiri

Masallı rayonunun Sərçuvar kəndində Milli Qəhrəman Səfəralı Məmmədovun doğum günü münasibətilə anım tədbiri keçirilib.

Tədbirdə Masallı RİHB-nın müavini, Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov, aparatın Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov, İctimai-siyasi və humanitar məsələlər şöbəsinin baş məsləhətçisi Flora İbadova, Masallı rayon Polis şöbəsinin əməkdaşları, ərazi nümayəndəliyinin əməkdaşları, bələdiyyə sədri,  şəhidin ailə üzvləri, media nümayəndələri, kənd sakinləri, din xadimləri, məktəb kollektivi və şagirdlər iştirak etmişlər.

Əvvəlcə qəhrəmanın xatirəsi bir dəqiqəlik sükutla yad edilib, abidəsi önünə gül dəstələri qoyulub. Tədbirdə çıxış edənlər Milli Qəhrəman Səfəralı Məmmədovun həyat və döyüş yolundan danışaraq onun göstərdiyi igidliyin gənc nəslə örnək olduğunu bildirmişlər. Dövlətimizin şəhid ailələrinə göstərdiyi yüksək diqqət və qayğıdan söz açmış, Vətənimizin azadlığı və suverenliyi uğrunda canından keçən şəhidlərimizin xatirəsinin daim uca tutulduğunu qeyd edərək Azərbaycanın əldə etdiyi tarixi zəfərin şəhidlərimizin misilsiz fədakarlığı sayəsində mümkün olduğunu vurğulamışlar.

Tədbirdə məktəbli uşaqlar “Vətənpərvərlik” mövzusunda şeirlər səsləndiriblər.
Sonda Milli Qəhrəmanın məzarı və ailəsi ziyarət olunmuşdur.






шаблоны для dle 11.2