Masallı Rayon Statistika İdarəsində Zəfər Gününün 5-ci ildönümü qeyd edildi
- Bu gün, 14:26
- Maraqlı
- 0
- 71
Masallı Rayon Statistika İdarəsində 8 Noyabr – Zəfər Gününün beşinci ildönümü münasibətilə “Statistik göstəricilər ilə Zəfər yolu” adlı tədbir keçirilmişdir.
Tədbirdə idarənin əməkdaşları, o cümlədən Vətən müharibəsi iştirakçıları iştirak etmişlər.
Tədbiri idarənin rəisi Ramin Bəgəlizadə açaraq Azərbaycan xalqının 2020-ci ilin 8 noyabrında qazandığı tarixi Qələbənin dövlətimizin gücü, xalqımızın birliyi və Müzəffər Ali Baş Komandan Cənab İlham Əliyevin rəhbərliyi ilə əldə edildiyinivurğulamışdır.
Daha sonra idarənin məsləhətçisiElmin Əliyev Masallı rayonu üzrə Vətən müharibəsi şəhidləri, qaziləri və iştirakçıları ilə bağlı statistik göstəriciləri tədbir iştirakçılarının diqqətə çatdırmış, onların qəhrəmanlığını xalqımızın qürur mənbəyi kimi dəyərləndirmişdir.
İdarənin məsləhətçisi - Vətən müharibəsi iştirakçısı Babək Abdullayev çıxışında Zəfərin qazanılmasında milli birliyin, həmrəyliyin və gənclərin fədakarlığının mühüm rol oynadığını qeyd etmişdir.
Aparıcı məsləhətçi Savalan İsgəndərli isə öz çıxışında Zəfər Gününün dövlətçilik tariximizdəki mənəvi dəyərindən danışaraq bildirmişdir ki, bu Qələbə yalnız hərbi uğur deyil, həm də xalqımızın milli qürurunun, həmrəyliyinin və Vətən sevgisinin təntənəsidir.
Zəfər Günü münasibətilə keçirilən tədbir həm qürur, həm də vətənpərvərlik ruhu ilə yadda qaldı.
