Masallıda “Mübahisələrin alternativ həlli olaraq mediasiyanın tətbiqi və onun üstünlükləri” mövzusunda maarifləndirici tədbir
- 18-12-2025, 20:14
- Maraqlı
- 0
- 172
17 dekabr 2025-ci il tarixində Masallı Rayon İcra Hakimiyyəti və Masallı Mediasiya Təşkilatının birgə təşkilatçılığı ilə Masallı RİHB-nin Şıxlar kənd inzibati ərazi dairəsi üzrə nümayəndəliyində “Mübahisələrin alternativ həlli olaraq mediasiyanın tətbiqi və onun üstünlükləri” mövzusunda maarifləndirici tədbir keçirilib.
Tədbirdə Masallı Rayon İcra Hakimiyyətinin Uşaq hüquqlarının müdafiəsi üzrə kommisiyanın məsul katibi Zamin Məmmədov, Masallı RİHB-nın Şıxlar kənd inzibati ərazi dairəsi üzrə nümayəndəsi Həsən Allahverdiyev, Masallı 1 saylı mediasiya təşkilatının direktoru Xanhüseyn Səmədov, bələdiyyə sədri və kənd sakinləri iştirak etmişlər.
Tədbiri giriş sözü ilə açan Masallı RİHB-nın Şıxlar kənd inzibati ərazi dairəsi üzrə nümayəndəsi Həsən Allahverdiyev mediasiyanın ölkəmizdə yeni fəaliyyətə başlamasına baxmayaraq xidmət apardığı ərazidə bir çox yerli sakinlərin artıq mediasiya haqqında məlumatlı olduqlarını və sakinlərin mediasiya barədə daha çox məlumatlı olması ilə bağlı təbliğat işlərinin aparılmasının vacibliyini diqqətə çatdırıb.
Masallı Rayon İcra Hakimiyyətinin Uşaq hüquqlarının müdafiəsi üzrə kommisiyanın məsul katibi Zamin Məmmədov mübahisələrin mediasiya vasitəsilə həlli zamanı qalib və ya məğlub tərəfin olmadığını xüsusi olaraq vurğulayıb.
Masallı 1 saylı mediasiya təşkilatının direktoru Xanhüseyn Səmədov ölkəmizdə mediasiyanın yaranması və mübahisələrin alternativ həlli kimi mediasiyanın tətbiqinin üstünlükləri barədə tədbir iştirakçılarına ətraflı məlumat verib.
Tədbirin sonunda iştirakçıları maraqlandıran suallara cavab verilib.
