Masallıda 15-30 dekabr 2025-ci il tarixlərində şəhid adına görülmüş işlər barədə
- 30-12-2025, 15:37
- Maraqlı
- 0
- 740
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman Rayon İcra Hakimiyyəti başçısı tərəfindən diqqət mərkəzində saxlanılır.
Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması, tibbi və psixoloji dəstək göstərilməsi istiqamətində davamlı işlər aparılır.
Masallı rayonunda Rayon İcra Hakimiyyəti, bələdiyyə, idarə, müəssisə, təşkilat və xeyriyyəçilər tərəfindən aşağıda qeyd olunmuş işlər görülmüşdür.
Təklə ərazisinin Xoşçobanlı kəndində şəhid Məmmədağa Bağırıov adına küçəyə 600 metr və şəhid Musa Mustafayev adına küçəyə 300 metr məsafədə asfalt örtüyü döşənmişdir.
Təzə Alvadı ərazisində nümayəndəlik tərəfindən 3 şəhid ailəsinin hər birinə 150 manat olmaqla ümumilikdə 450 manat dəyərində bayram payı (ərzaq məhsulları) təqdim edilmişdir.
Göyəçöl kəndində Musakücə bələdiyyəsi tərəfindən şəhid bacısına maddi yardım göstərilmişdir.
Türkoba ərazisində şəhid Anar Məmmədovun adına küçəyə və Müharibə iştirakçısı Səmid Babayevin evinə gedən küçəyə 200 metr məsafədə çınqıl tökülərək hamarlanmışdır.
Xırmandalı ərazisində şəhid Xıdır Məmmədovun adına olan 50 metr kənddaxili yola çınqıl tökülərək hamarlanmışdır.
Güllütəpə ərazisinin Tatyanoba kəndində şəhid Rəşid Lətifov adına olan bulaqda bayraqlar yenilənmişdir.
Lürən ərazisinin Pircana kəndində şəhid Faiq Şükürovun adına olan küçəyə asfalt örtüyünün döşənməsi üçün hazırlıq işlərinə başlanılmışdır.
