Azərbaycan və türkiyənin vahid mövqedən çıxış etməsi Türk dünyasının inkişafına ciddi töhfə verəcəkdir
16-06-2023, 13:51. Разместил: admin44
Türkiyə Prezidenti Rəcəb Tayyib Ərdoğan yenidən Türkiyə prezidenti seçildikdən sonra ilk xarici ölkəyə səfəri Şimali Kipr Türk Respublikasına daha sonra isə Azərbaycana oldu. Cari ilin 13 iyununda gerçəkləşən bu səfəri xalqımız da səbirsizliklə gözləyirdi. Əslində buna sadəcə səfər olaraq baxmamalıyıq. Bildiyimiz kimi Şuşa Bəyənnaməsinin imzalanmasından iki il ötür. Səfər zamanı, Şuşa Bəyənnaməsinin ikinci ilində Türkiyə və Azərbaycan münasibətlərinin çatdığı səviyyə, münasibətlərin daha da inkişaf etdirilməsi üçün atılacaq addımlar müzakirə edilmiş, siyasi və iqtisadi münasibətlərin daha yüksək səviyyədə inkişafı üçün qərarlar alınmışdır. Bunu hər iki ölkənin dövlət başçılarının görüşündən sonra mətbuata verdikləri bəyanat da sübut edir.
Türkiyə Cümhuriyyətinin Prezidenti cənab Rəcəb Tayyip Ərdoğanı səmimiyyətlə salamlayan ölkə başçısı “Azərbaycana, Vətəninizə xoş gəlmisiniz.”-deyə xitab etməklə bu iki ölkə vətəndaşları üçün hər iki ölkənin vətən olduğunu bildirmiş oldu. Cənab Prezident İlham Əliyev qeyd etdi ki, prezident seçkisindən qısa müddət sonra cənab ərdoğanın Azərbaycana səfər etməsindən şaddır: “Bir daha sizi qələbə münasibətilə təbrik etmək istəyirəm. Sizə yeni uğurlar arzulayıram. Əminəm ki, növbəti illərdə də bizim dostluğumuz, qardaşlığımız hər zaman olduğu kimi yüksək səviyyədə olacaqdır. Biz bu gün Sizinlə artıq təkbətək görüş əsnasında bir çox məsələləri müzakirə etdik. İndi heyətlər çərçivəsində də bunun davamı olacaq. Türkiyə-Azərbaycan birliyi, qardaşlığı - bu, beynəlxalq amildir, sabitlik, inkişaf və təhlükəsizlik amilidir. Prezident seçkilərində türk xalqının Sizə göstərdiyi inam bir daha sizin uzun illər ərzində Türkiyə xalqına göstərdiyiniz xidmətlərə verilən yüksək qiymətdir. Siz bilirsiniz ki, sizi Azərbaycanda çox sevirlər. Siz bizim əziz qonağımızsınız. Mən yeni hökumət üzvlərini də ürəkdən təbrik etmək istəyirəm. Bir çoxlarını tanıyıram. Hər zaman olduğu kimi, bizim görüşlərimiz həm görülən işlərə yekun vurur, eyni zamanda növbəti illərdə görüləcək işlərlə bağlı yol xəritəsi cızır. Əminəm ki, bu səfərdə də belə olacaq.
Müsahibimiz qeyd edib ki, “Son on ilə nəzər salsaq, görərik ki, Azərbaycan və Türkiyə arasında sıx sosial, iqtisadi, siyasi, hərbi əməkdaşlıq əlaqələri mövcuddur. Şuşa bəyannaməsi imzalandıqdan sonra ölkələr arasındakı münasibətlər həm məzmun, həm də keyfiyyət cəhətdən yeni bir mərhələyə qədəm qoydu, strateji müttəfiqlik səviyyəsinə qədər qalxdı. Bu o deməkdir ki, Türkiyə Azərbaycanın milli təhlükəsizliyini və milli maraqlarını öz təhlükəsizliyi və maraqları kimi qəbul edir. Azərbaycan Respublikasının Prezidenti cənab ilham Əliyev öz bəyanatında bu məsələyə xüsusi diqqət ayıraraq dedi: “İki gündən sonra biz Şuşa Bəyannaməsinin ikinci ildönümünü qeyd edəcəyik. Şuşa Bəyannaməsi tarixi anlaşmadır. Bu anlaşma nəticəsində Türkiyə və Azərbaycan rəsmən müttəfiq oldular. Əslində, faktiki olaraq, biz uzun illər müttəfiqlər kimi fəaliyyət göstərirdik, ancaq Şuşa Bəyannaməsi bunu rəsmi sənədə çevirdi. Bu sənədin Şuşada imzalanması təbii ki, rəmzi xarakter daşıyır. Çünki Şuşa Qarabağın tacıdır və Şuşanın işğaldan azad olunması İkinci Qarabağ müharibəsinə son nöqtəni qoymuşdur. Fürsətdən istifadə edərək, Azərbaycan xalqı adından Sizə və qardaş Türkiyəyə İkinci Qarabağ savaşı dönəmində bizə göstərdiyiniz qardaşlıq dəstəyinə, mənəvi və siyasi dəstəyə görə bir daha təşəkkürümü bildirmək istəyirəm.
Təbii ki, bizim gələcək işbirliyi proqramımız bu gün müzakirə olunan məsələlər arasındadır. Bütün sahələrdə konkret proqramlar əsasında işlər gedir. İlk növbədə, Türkiyə və Azərbaycan bundan sonra da xarici siyasət sahəsində vahid mövqedən çıxış edəcəklər. Bizim xarici siyasətlə əlaqədar apardığımız birgə fəaliyyət bölgə üçün də çox böyük önəm daşıyır. O cümlədən bölgənin inkişafı, sabitliyi və təhlükəsizliyi nöqteyi-nəzərindən Türkiyə-Azərbaycan birliyi amili çox önəmlidir.
Azərbaycan və Türkiyə əlaqələrinin, münasibətlərin iqtisadi amilə söykənməsi. Siyasi əlaqələrin iqtisadiyyat üzərindən inkişaf etdirilməsinin əhəmiyyətli və önəmli olduğu məlumdur. Azərbaycanın idxal və ixracında. Özəl sektorun inkişafında, sərmayə qoyuluşunda ciddi irəliləyişlər mövcuddur.
Cənab prezident İlham Əliyev ticari-iqtisadi əlaqələrimizin inkişafını qeyd edərək bildirdi: “Məmnunluq hissi ilə qeyd etdik ki, ticarət dövriyyəsi sürətlə artır və artıq 6 milyard dollara yaxınlaşıbdır və gələcəkdə daha da artacaq. Çünki birgə həyata keçirəcəyimiz layihələr bunu təmin edəcək, xüsusilə enerji sahəsində. Azərbaycandan Türkiyəyə təbii qazın ixracı artmaqdadır, ildən-ilə artır və bu gün biz razılığa gəldik ki, bundan sonra da artacaq. Bununla paralel olaraq, Türkiyə ərazisindən Avropa ölkələrinə Azərbaycanın qaz ixracı artmaqdadır, buna da böyük tələbat var. Enerji sahəsində bizim işimiz təbii qaz məsələsi ilə məhdudlaşmır. Biz bu gün yenilənən, yəni, bərpaolunan enerji növləri üzrə əməkdaşlıq haqqında fikir mübadiləsi apardıq. Biz bu gün həm qaz, həm neft, həm neft məhsulları, neft-kimya məhsulları, elektrik enerjisi sahələrində fəal əməkdaşlıq edirik.
Müsahibimiz sonda bildirib ki, “Hər iki ölkə rəhbərinin bəyanatından göründüyü kimi Zəngəzur dəhlizinin açılması gündəmdə qalır və bu dəhlizin açılması türk dünyası üçün önəmlidir.
Ölkə başçısı öz bəyanatında qeyd etdi ki. Hər iki ölkə üçün önəmli olan məsələlərdən biri də “təhsil sahəsi ilə bağlıdır. Türkiyə-Azərbaycan birgə universitetinin yaradılması istiqamətində danışıqlar indi son mərhələdədir. Biz çox ümid edirik ki, yaxın aylarda bu məsələ də öz həllini tapacaq və bizim qardaşlıq münasibətlərimizə daha bir töhfə veriləcəkdir.
Cənab Ərdoğanın bu səfərini yüskək qiymətləndirən ölkə başçısı bundan sonra da birliyimiz və qardaşlığımızın yükəslən xətlə inkişaf edəcəyini bildirərək Türk dünyası üçün önəmli olan birlik mesajını bir daha diqqətə çatdırmış oldu.
Rusif Kərimov
Viləşçay Su Anbarı İstismarı İdarəsinin rəisi
Вернуться назад