Əmək sevinc, məhəbbət və ilham mənbəyi olmalıdır
29-08-2023, 13:42. Разместил: admin44
Biz hər hansı şəxsə və ya şəxslərə hörmət bəsləyəndə ixtiyarsız, fasiləsiz siqnallar buraxırıq. Bununla belə şəxslərin varlığını yüksək qiymətləndiririk. Onların sayca çox olmasını istəyirik. Təəsüf ki, real həyatda yaxşı insanların sayı biz arzuladığımız qədər çox deyil.
Başqasına qarşı hörmətin olmaması əks psixoloji əhval-ruhiyyə, hörmətsizlik yaradır. Bu isə öz növbəsində az sonra qorxuya çevirilir, o da öz növbəsində əks reaksiyaya (nifrət) səbəb olur. Zəncirvari reaksiya halına çevirilən belə hallar qarşıdurmalara və hətta müharibələrə gətirib çıxarır. Nəticədə bir-iki fərd yox, yüz minlərlə, milyonlarla insan ölüm-dirim savaşına başlayır. Qanlı savaşın nə olduğunu Birinci, İkinci dünya, Vyetnam, Əfqanıstan, İraq, Suriya, Qarabağ, hazırda Rusiya - Ukrayna müharibələri bəşəriyyətə əyani sübut edir.
Haqqında danışmaq istədiyimiz ikinci şəxs ata Rzaquludur. Onun hələ uşaqkən atası xəstələnir. Demək olar ki, daima xəstəxanaların sakini olur. Bu balaca uşaq dörd-beş yaşından əməyin nə olduğunu dərk etmişdir. Tarixi dövrün tələbləri ilə bütün qabiliyyətini əqli əməyə yönəldən Rzaqulu ata tezliklə istəyinə çatır.
Öz doğma kəndində (8 illik) məktəbi başa vurduqdan sonra, pay-piyada 10 kilometrdən də uzaqda olan təhsil ocağına, peşə məktəbinə gedir və bunu özünə fəxr sayır.
Hərbi xidmətdən sonra hərbi məktəbi bitirir, həmyerlisi Həzi Əhəd oğlu Aslanov kimi.
Bir qrup hərbiçilərin qərbdəki qərargahına, Sovet ordusunun sıralarına təyin edilir. Varşava Sülhməramlı Müqaviləsi bitdikdən sonra Rzaqulu ata Avropada qalaraq bizneslə məşğul olur.
İstər hərbidə olduğu müddətdə (Əfqan, Güloğlan, Tarix və başqalarına ), istərsə də ondan sonrakı dövrlərdə həmvətənlərinə (Rizvan, Xəlil, Müseyib və başqalarına ) milli və dini mənsubiyyətindən asılı olmayaraq onun köməyinə ehtiyacı olanlara kömək edir, savad almalarına və digər işlərdə uğurlu olmalarına daima nəzarət edir.
Bu dövrdə mütəmadi doğma vətəninə , Azərbaycana gələrək cəbhəyə və cəbhəyanı ərazilərə baş çəkir. Hərbiçilərlə, şəhid ailələri, qazilərlə, el ağsaqqalları ilə görüşür. Kimsəsiz uşaq evlərinə maddi yardımlar göstərir, onlara azacıq da olsa dəstək olmağa çalışırdı. Növbəti məzuniyyətlərin birində 90- cı illərin əvvəllərində İrana gedir. "Məşhəd" ziyarətində olarkən Alman telekanalı "Ştern" ondan müsahibə alarkən, onun Azərbaycanın haqq səsini Alman dilində təmiz , qərəzsiz, dolğun, vicdanla, heç bir ləhcə hiss olunmadan görəndə heyrətə gəlirlər. Onun kimliyini və Alman dilində belə danışmağını harda öyrəndiyini ilə maraqlananda o, deyir: mən sadə zəhmətkeş, mömin, milyonlarla Azərbaycanlılardan biriyəm və bu dili də digər dillər kimi özüm səy göstərib öyrənmişəm. Buraya gəlməyimin səbəbi də müqəddəs ziyarətgahdır, dinimizə hörmət və ehtiram əlaməti olaraq.
Ötən əsrin 90-cı illərində ortaları Rzaqulu ata Rusiya Federasiyasının ümumdünya proletariatın lideri Leninin beşikdə bələndiyi yer – Ulyanov vilayətinin Ulyanovsk şəhərinə köçür və orada bizneslə məşğul olur. Burdada həmyerlilərinə və onun köməyinə ehtiyacı olanlara yaxından kömək edərək (Rahib.C, İslam.Ə, Bəxtiyar.İ və başqaları) onlar üçün hər cür şəraitin yaradılmasına səy göstərir.
Bu şəhərdə müasir – müstəqil Azərbaycan Respublikasının memarı və qurucusu, dünya səviyyəli lider və siyasətçi, Ümummilli lider, Ulu öndər Heydər Əlirza oğlu Əliyevin nəhəng abidəsinin azərbaycanlıların kompakt yaşadığı yerdə ucaltmasında iştirak edir.
Qeyd edək ki, Rzaqulu atanın ana babası İbrahim Xancanov İkinci cahan savaşında Alman ordusunu Stalinqrad cəbhəsindən Berlinə qədər qovub və darmadağın edilməsində iştirak edib.
Ulyanovsk şəhərində ötən əsrin 70-ci illərində həmyerlimiz Nəriman Nərimanovun abidəsinin, onun adına prospektin açılmasına səy göstərib və buna müvəffəq olub. Eyni zamanda “Xalqlar dostluğu” xiyabanda Azərbaycan Respublikasını təmsil etmək üçün münasib sahənin ayrılması, milli dəyərlərimizin burda ləyaqətlə təmsil olunmasından ötrü çox dəyərli tövsiyələrini vermişdir. Rzaqulu atanın böyük qardaşı R.Qurbanov bu xiyabanda yarım epoxadan biraz çox şərəf və ləyaqətlə milli kimliyimizi təmsil etmişdir.
Rzaqulu ata yarım əsrdir işləyir və faydalı əməyindən zövq alır.
Rəvvaq QURBANOV,
Ştatdankənar müxbirimiz Tədqiqatçı - psixoloq
"Yeni həyat" qəzeti,
www.yeniheyet.az
Вернуться назад