Azərbaycanda növbədənkənar Prezident seçkilərinə 6 gün qalır
1-02-2024, 16:54. Разместил: admin44
Qalib xalqın qalib lideri
Seçkilər müəyyən bir tarixi dövrün yekunudur. Belə hesab etmək olar kı, Azərbaycan Respublikasında növbədənkənar Prezident seçkilərinin keçirilməsi, hər şeydən əvvəl, ölkəmizin yeni inkişaf mərhələsinə daxil olması ilə əlaqədardır. Zamanın meydana çıxardığı bu müasir inkişaf mərhələsinin irəli sürdüyü çağırışlar növbədənkənar Prezident seçkilərini şərtləndirən ən mühüm səbəbdir. Prezident seçkiləri yeni dövrün başlanğıcı olmalıdır. Çünki yeni mərhələnin strategiya və taktikasını müəyyən etmək, bu dövrün siyasi-ideoloji,hərbi-iqtisadi və elmi-mədəni istiqamətlər üzrə məsuliyyətli vəzifələrinin məqsədyönlü şəkildə həyata keçirmək zərurəti artıq yeni dünya nizamının əsas tələbinə çevrilmişdir. Prezident İlham Əliyev ölkəmizə rəhbərlik etdiyi 20 ildən atrıq bir dövr ərzində müstəqil dövlətimizi bütün istiqamətlər üzrə böyük addımlarla və qətiyyətlə irəli aparmışdır. Onun rəhbərliyi ilə “Əsrin müqaviləsi” uğurla davam və inkişaf etdirilərək, ölkəmiz nəinki regionun, hətta Avropanın əsas neft-qaz ixracatçısına çevrilmişdir. Ölkəmiz Prezident İlham Əliyevin rəhbərliyi ilə mühüm tarixi nailiyyətlər əldə edib, dünyada böyük nüfuz qazanıb, regionun sürətli inkişaf yolunda olan müasir ölkəsinə, etibarlı tərəfdaşa çevrilib. Ölkədə təşkil olunan beynəlxalq silsilə forumlar, kütləvi-mədəni və idman tədbirləri Azərbaycanın beynəlxalq səviyyədə mövqelərini gücləndirib. Azərbaycanın dünyanın ən böyük və mühüm dövlətlərarası tədbirlərindən biri olan COP29-a 2024-cü ildə ev sahibliyi etməsi Prezident İlham Əliyevin növbəti təntənəli qələbəsidir. Bu, Qoşulmama Hərəkatına sədrliyimiz və Təhlükəsizlik Şurasına üzvlüyümüzdən sonra xarici siyasətimizin ən böyük uğurudur.
Ölkə başçısının rəhbərliyi altında müxtəlif istiqamətlərdə çoxsaylı dövlət proqramları həyata keçirilib,əhalinin rifah halının yüksəldilməsi istiqamətində ardıcıl işlər görülüb.Bu gün respublikamızda aqrar sahə, nəqliyyat, gömrük, turizm, ictimai iaşə kimi qeyri-neft sektoru istiqamətində aparılan islahatlar dövlət büdcəsini formalaşdıran əsas gəlir mənbələri sferasına çevrılmışdır.
Ən başlıcası isə Müzəffər Ali Baş Komandan İlham Əliyevin “Dəmir Yumruğu” ilə Azərbaycanın əsas problemi olan Qarabağ düyünü qəti şəkildə həll edilmişdir. 4 il əvvəl- 44 günlük Vətən müharibəsində rəşadətli Azərbaycan Ordusu öz Ali Baş Komandanının bilavasitə rəhbərliyi altında Ermənistanın silahlı qüvvələrini darmadağın etdi, düşməni diz çökməyə və təslim aktını imzalamağa məcbur etdi. Ötən ilin sentyabr ayında keçirilən bir günlük lokal antiterror əməliyyatı isə problemi kökündən və birdəfəlik həll etdi: 30 il ərzində Qarabağda at oynadan qondarma qurum, xunta rejimi ağ bayraq qaldırıb özü özünü ləğv etmək barədə qərar qəbul etməyə məcbur oldu.Azərbaycan Respublikasının ərazi bütövlüyü və suverenliyi tam təsdiq edilmişdir.Bu gün hamımız fəxrlə deyirik ki, Azərbaycan postsovet məkanında öz ərazi bütövlüyünü silah gücünə, qalibiyyətli müharibə yolu ilə bərpa edə bilmiş ilk və yeganə ölkədir.Prezident İlhan Əliyevin dediyi kimi”bu epoxal bir hadisədi....XXI əsrin müharibəsində həm peçəkarlıq,həm iradə,milli ruh,qəhramanlıq hesabına torpaqlarımızı işğalçılardan azad etmişik” Biz qalib ölkənin qalib vətəndaşları olmağımızdan haqlı qürur duyur, bu misilsiz Zəfərə görə qəhrəman əsgər və zabitlərimizə, müzəffər Ali Baş Komandanımıza sonsuz minnətdarlığımızı bildiririk. Bu, eyni zamanda, Azərbaycanın çoxəsrlik tarixi ərzində ilk dəfə Azərbaycanın bütün ərazisində dövlət bayrağımızın dalğalandığı şəraitdə keçirilən birinci Prezident seçkisi kimi də mühüm ictimai-siyasi əhəmiyyətə malikdir.Əslində bu Azərbaycan Respublikasında müstəqil dövlətimizin suverenliyinin tam təsdiq olunduğu tarixi bir məqamın seçkisinin keçirilməsi deməkdir.
Azərbaycan xalqı möhkəm inanır ki, Azərbaycan Respublikasının qarşıdakı böyük qlobal və mühüm regional problemlərinin həllində ölkəmizin Lideri İlham Əliyev faktoru əsas və həlledici əhəmiyyət kəsb edir. Prezident İlham Əliyevin müstəqil dövlətimiz və xalqımız qarşısındakı tarixi xidmətləri, dövlət başçısı kimi möhkəm siyasi iradəsi, zəngin təcrübəsi, beynəlxalq aləmdə qazandığı yüksək nüfuz, doğma xalqından aldığı sarsılmaz qüvvə onu dünya liderlərinin ön sırasına çıxarmışdır. Yeni misiyanın başlanğıcı yeni dövrün hədəfləri olmalıdır. Müstəqil Azərbaycan Respublikasının bundan sonrakı yeni tarixi mərhələsinin qarşıya çıxaracağı bütün problemlərin həll edilməsində və inkişafdan – intibaha doğru hərəkatda İlham Əliyev əvəzsiz imkanlara malikdir.
Hakimiyyətdə olduğu möhtəşəm 20 ildə bütün istiqamətlər üzrə xalqımıza böyük uğurlar qazandıran, ölkəmizi hərtərəfli surətdə inkişaf etdirən Prezident İlham Əliyev ərazi bütövlüyü və suverenliyi tam təsdiq olunmuş müstəqil Azərbaycanın qüdrətli lideridir. Bundan sonrakı dövrdə Azərbaycan Respublikasının çoxcəhətli inkişafının təmin edilməsi, ölkəmizin ərazi bütövlüyünün etibarlı şəkildə qorunması və dövlət suverenliyimizin daha da möhkəmləndirilməsi, beynəlxalq aləmdə meydana çıxacaq problemlərin milli mənafelərimizə uyğun surətdə həll edilməsi üçün əsl dövlət başçısından tələb olunan bütün keyfiyyətlər və xüsusiyyətlərin hamısı ən yüksək səviyyədə İlham Əliyevin simasında cəmlənmişdir. Bu gün dünya miqyasında da İlham Əliyev kimi hərtərəfli yüksək siyasi-mənəvi keyfiyyətlərə, geniş intellektual imkanlara, böyük nüfuza malik olan və xalqının sarsılmaz etimadını qazanmış liderlər göstərmək çətindir.Yeni Azərbaycan Partiyası tərəfindən növbədənkənar Prezident seçkilərində İlham Əliyevin namizədliyinin irəli sürülməsi tam məntiqi və qanunauyğun bir hal kimi yüksək səviyyədə dəyərləndirilməlidir. Dünyanın hazırkı çətin mürəkkəb hərbi-geosiyasi şəraitində və ölkəmizin inkişafdan intibaha doğru yüksəlişi naminə gedəcəyimiz yolda müstəqil dövlətimiz və xalqımız üçün İlham Əliyev ən layiqli lider, böyük şans və tam düzgün seçimdir. Çünki İlham Əliyev Qalib Xalqın Qalib Lideridir.
Mürvət Abbasov, Masallı şəhər “Dəfinə” məktəb - liseyinin müəllimi , Tarix üzrə fəlsəfə doktoru, YAP-ın üzvü.
"Yeni həyat" qəzeti,
www.yeniheyet.az
Вернуться назад