Prezident İlham Əliyevin carinilin 26 fevral tarixində Xocalı şəhərində icra hakimiyiyyətinin nümayəndələri ilə görüşü

1992-ci ilin 26 fevral tarixində Xocalıda erməni vandalları tərəfindən əsrin ən dəhşətli faciələrindən biri törədilib.613 dinc sakin vəhşicəsinə qətlə yetirilib. 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri nəticəsində separatçılardan təmizlənib. Cari ilin 26 fevral tarixində Prezident İlham Əliyev Xocalı şəhərində Xocalı Soyqırımı Memorialının təməlini qoyub, rayon ictimaiyyətinin nümayəndələri ilə görüşüb. Çıxışı zamanı İlham Əliyev bildirdi ki, Xocalı soyqırımı isə heç vaxt xalqımızın yaddaşından silinməyəcək. Heç vaxt Azərbaycan xalqı bu qanlı cinayəti unutmayacaq. Otuz iki il bundan əvvəl Ermənistan dövləti bu qanlı faciəni törədərək günahsız insanları qətlə yetirmişdir. 613 insan vəhşicəsinə qətlə yetirilmişdir, 150 insan itkin düşmüşdür, - təbii ki, onların da taleyi bəllidir, - 1000-dən çox insan girov götürülmüşdür, 60-dan çox uşaq, 100-dən çox qadın, yaşlı 70 insan erməni vəhşiləri, faşistləri tərəfindən vəhşicəsinə bir gecə içində qətlə yetirilmişdir. Həmçinin İlham Əliyev bir sıra dövlətlərin uzun illər Xocalı faciəsinə səssiz qalmasını da vurğulayıb.

 Əfsuslar olsun ki, “Xocalıya ədalət!” çağırışımız cavabsız qaldı. Düzdür, 18 ölkə bizim səylərimizin nəticəsi olaraq bu qanlı faciəni soyqırımı kimi tanımışdır. Ancaq bu ölkələrin arasında böyük dövlətlərin adları yoxdur. Beynəlxalq təşkilatlar, onların bir çoxu bu faciəyə biganə qalmışdır. Azərbaycan dövləti, dövlət qurumları, eyni zamanda, xaricdə yaşayan azərbaycanlılar, bizim ictimai təşkilatlarımız və onların arasında Heydər Əliyev Fondu Xocalı soyqırımını dünyaya tanıtdırmaq üçün çox böyük səylər göstərmişdir. Heydər Əliyev Fondunun xətti ilə geniş vüsət almış “Xocalıya ədalət!” kampaniyası dünyanın müxtəlif yerlərində özünü göstərmişdir, bir çox tədbirlər, təqdimatlar həyata keçirilmişdir, kitablar, məqalələr dərc edilmişdir, sərgilər təşkil olunmuşdur. Yəni, biz bu həqiqəti dünya ictimaiyyətinə çatdırmaq üçün bir çox səylər göstərmişdik və haqlı olaraq dünyadan ədalət tələb edirdik.

 Çünki Xocalı soyqırımı dünyanın gözü qarşısında baş vermiş qanlı cinayətdir... İlham Əliyev həmçinim,ermənilərin bəzi mənfur niyyətlərindən danışaraq bildirib ki, Xocalıda qədim tariximizi silməyə çalışan,xalqımızı ata-baba yurdlarından disərgin salan ermənilər hətta Xocalının tarixi adını da ləğv etməyə cəhd göstərib. Tarixi Zəfərimizdən sonra Azərbaycan xalqı bu dəhşətli soyqırımının ildönümünü artıq fərqli şəkildə anır. Ermənilər tərəfindən işğal edilmiş torpaqlarımızın Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Ordumuz tərəfindən azad edilməsi nəticəsində Xocalı soyqırımı qurbanlarının qisası alındı.



Babayeva Elanora,
Masallı rayon N.Nərimanov adına şəhər 2 nömrəli tam orta məktəb


"Yeni həyat" qəzeti,
www.yeniheyet.azшаблоны для dle 11.2