İki ölkə arasında qardaşlıq münasibətlərinin uğurlu inkişafı

             

Azərbaycan ilə Tacikistan münasibətlərinin tarixi qədim tarixə malikdir.Tacik-fars ədəbiyyatının klassikləri kimi ehtiram bəslənilən Rudəki, Sədi və digərləri Azərbaycanda sevildikləri kimi, dünya ədəbiyyatı xəzinəsinə misilsiz töhfə vermiş böyük Azərbaycan şairləri Məhəmməd Füzuli, Nizami Gəncəvi də tacik xalqı tərəfindən daima hörmətlə qarşılanmışdır.
Keçmiş SSRİ-nin tərkibində olan zaman hər iki ölkə müttəfiq respublika olublar. Azərbaycan və Tacikistan müstəqil olduqdan sonra iki ölkə arasında diplomatik münasibətlər 1992-ci il mayın 29-da qurulub. 2007-ci ildə Azərbaycanın Tacikistanda, bir il sonra isə Tacikistanın Azərbaycanda səfirliyi fəaliyyətə başlayıb. Mədəni sahədə qarşılıqlı əlaqələrin möhkəm təməli mövcuddur. Hər iki xalq əsrlər boyu dostluq, həmrəylik şəraitində yaşayıb, dostluq ediblər. Hər zaman  Azərbaycanda tacik mədəniyyətini, Tacikistanda Azərbaycan mədəniyyətini çox yüksək qiymətləndirirlər.Buna baris nümunə 20 may tarixindən    Bakıda keçirilən Tacikistan Mədəniyət  Günləridir.
         
 İki ölkə arasında qardaşlıq münasibətlərinin uğurlu inkişafı 1990-cı illərdəki fəaliyyətin nəticəsində əldə olunub. Bu gün Azərbaycan və Tacikistan arasında münasibətlər yüksək inkişaf mərhələsini yaşayır. Tacikistanla Azərbaycan arasında münasibətlərin yüksək səviyyəyə çatması həm də Tacikistan Prezidenti Emoməli Rəhmon ilə Azərbaycan Prezidenti İlham Əliyevin şəxsi dostluq əlaqələri ilə bağlıdır. Mayın 23-də Azərbaycan Respublikasının Prezidenti İlham Əliyev mətbuata bəyanatındakı çıxışında qeyd etmişdir: “Qarşılıqlı fəaliyyətimizin əsasında çoxəsrlik tarix boyu əməkdaşlıq etmiş, dost olmuş, birlikdə qurub-yaratmış xalqlarımızın iradəsi dayanır. Bu gün dövlətlərarası münasibətlərimiz ən yüksək səviyyəyə çatıb.
           
Biz indicə münasibətlərimizin xarakterini, ruhunu, həmçinin xalqlarımızın iradəsini əks etdirən Strateji Tərəfdaşlıq Bəyannaməsini imzaladıq. Bəyannamə qarşılıqlı fəaliyyətin demək olar bütün sahələrini əhatə edir. Bu sənəddə qarşılıqlı dəstək və konkret nəticələrə diqqət ifadə olunub.Bu gün iqtisadi əməkdaşlıq məsələlərini ətraflı müzakirə etdik. Strateji Tərəfdaşlıq Bəyannaməsi ilə yanaşı, daha 13 sənəd, ümumilikdə 14 sənəd imzalanıb ki, onlardan bəziləri burada, bəziləri isə əvvəllər imzalanıb. Bu, münasibətlərimizin müqavilə-hüquq bazasını xeyli möhkəmləndirir. Tacikistan Prezidentinin səfəri ərəfəsində biznes-forum keçirildi, bu forumda da sənədlər və qarşılıqlı anlaşma memorandumları imzalandı və bu barədə bu gün bizə məlumat verildi. Hesab edirəm ki, bu, bizə qarşılıqlı ticarətin həcmini xeyli artırmağa imkan verəcək.”
         
Azərbaycan Mərkəzi Asiya dövlətləri arasında Tacikistanla münasibətlərinə xüsusi əhəmiyyət verir. Möhtərəm  Prezident İlham Əliyev indiyədək Tacikistana 6 dəfə səfərə gedib. Dövlət başçılarının qarşılıqlı səfərlərinin məhsuldarlığı Azərbaycan və tacik xalqları arasında tarixi, mədəni və dini bağlılıqlarla birbaşa əlaqəlidir.
İstər Azərbaycan, istərsə də Tacikistan, demək olar ki, bütün platformalarda bir-birilərinə dəstək nümayiş etdirir. İkinci Qarabağ savaşında da Tacikistan Azərbaycanın haqq işini dəstəkləyib, həmişə yanımızda olduğunu  bəyan edib. Münasibətlərimizin bu səviyyəsi bütün sahələrdə - siyasi-iqtisadi, mədəni və mənəvi məsələlərdə hər iki xalqa fayda gətirir və bundan sonrada fayda gətirəcəyinə əminik.




Əntiqə Tağıyeva,
Masallı Tarix Diyarşünaslıq Muzeyinin direktoruшаблоны для dle 11.2