Главная > Maraqlı > ALLAH RƏHMƏT ELƏSİN
ALLAH RƏHMƏT ELƏSİN19-03-2025, 09:10. Разместил: admin44 |
![]() Cəlil Oruc oğlu Nəzərov Masallı rayon ictimaiyyətinə ağır itki üz vermişdir. Uzun illər Masallı səhiyyəsinin rəhbərliyində fəaliyyət göstərən dəyərli insan Cəlil Nəzərov ömrünün 69-cu ilində dünyasını dəyişmişdir. 2 may 1957-ci ildə Masallı rayonunun Miyankü kəndində anadan olmuşdur. 1974-cü ildə Hişkədərə kənd orta məktəbini bitirmişdir. 1976-1978-ci illərdə ordu sıralarında xidmət etmişdir. 1980-1986-cı illərdə N. Nərimanov adına Azərbaycan Dövlət Tibb İnstitutuna daxil olmuş, 1986-cı ildə institutun uroloq-cərrah ixtisasını bitirmişdir. Masallı RMX-də uroloq-həkim kimi fəaliyyətə başlayıb. 1990-cı ildən urologiya şöbəsinin müdiri təyin olunmuş, 1000-dən çox cərrahiyyə əməliyyatlarını həyata keçirmişdir. 1990-cı ildə rayonlararası urologiya şöbəsini yaratmaqla Cənub bölgəsində bacarıqlı uroloq kimi tanınmışdır. O vaxtdan adenomektamiya, kriptorxizm, sistolitotomiya, sidik kisəsi boyunun daralması, vorikoselə və s. xəstəliklərin cərrahiyə əməliyyatlarını uğurla həyata keçirmişdir. 2003-2020-ci illərdə Masallı RMX-nin baş həkimi vəzifəsində işləyib. Azərbaycan Prezidentinin 16 iyun 2020-ci il tarixli Sərəncamı ilə Azərbaycan səhiyyəsinin inkişafında xidmətlərinə görə Masallı Rayon Mərkəzi Xəstəxanası Publik Hüquqi Şəxsin direktoru Cəlil Nəzərov Azərbaycan Respublikasının Əməkdar həkimi fəxrı adı verilmişdir. Gözəl insan, nüfuzlu ziyalı, həkim-uroloq Cəlil Nəzərovun xatirəsi onu tanıyanların qəlbində əbədi yaşayacaqdır.
Вернуться назад |