Qarşılıqlı münasibətlərin inkişafında yeni mərhələnin başlanğıcı

Azərbaycanın xarici siyasəti mahiyyət¬cə çoxistiqamətli və çoxaspektlidir. Rəsmi Bakı bu özəlliyi davamlı olaraq saxlayır, inkişaf etdirir və geosiyasi dinamikadan asılı olaraq ona yeni məzmun çalarları verir.Bu gün Azərbaycan regionun yeganə ölkəsidir ki, düşünülmüş və milli maraqlara söykənən xarici siyasəti ilə regional təhlükəsizliyin təmin olunması istiqamətində ardıcıl və sistemli addımlar atır. Hazırda Azərbaycan dövlətinin həyata keçirdiyi enerji layihələri, regional inteqrasiyaya xidmət edən əməkdaşlıq formatları Cənubi Qafqazda sabitliyin təmin edilməsində mühüm rol oynayır. Bununla yanaşı, Azərbaycan dünyada sülhyaratma prosesində fəal iştirak edir, səmərəli təklif və təşəbbüslərlə çıxış edir, öz praktik fəaliyyəti ilə sülhün və təhlükəsizliyin möhkəmlənməsinə dəyərli töhfələr verir.

Xarici siyasətini mehriban qonşuluq, qarşılıqlı faydalı əməkdaşlıq əsasında quran dövlətimiz  Avropanın inkişaf etmiş aparıcı dövlətləri ilə ikitərəfli əlaqələrə xüsusi önəm verir. Bu kontekstdə Avropa İttifaqının ən güclü və aparıcı ölkələrindən biri olan Almaniya Federativ Respublikası ilə son dövrlər inkişaf etməkdə olan qarşılıqlı münasibətlər mühüm əhəmiyyət kəsb edir.

Almaniya Azərbaycanın Avropada ən vacib siyasi-iqtisadi tərəfdaşlarından biridir. Azərbaycan bu ölkə ilə əlaqələrin inkişafına mühüm önəm verir.Azərbaycan ilə Almaniya arasında siyasi əlaqələr yüksək səviyyədədir, ali səviyyəli dialoq mövcuddur. Almaniya Azərbaycanı Cənubi Qafqazda vacib tərəfdaş kimi qəbul edir, ölkəmizin regionda lider mövqeyini, həmçinin beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir. Eyni zamanda, bu ölkə Azərbaycanın Avropanın enerji təhlükəsizliyinin təmin olunmasında mühüm rolunu təqdir edir.

Azərbaycan Almaniya arasında qarşılıqlı olaraq dövlət başçıları, hökumət və parlament rəhbərlikləri, xarici işlər nazirlikləri və digər səviyyələrdə çoxsaylı səfərlər baş tutmuşdur. Almaniya təmsilçiləri Azərbaycanın ev sahibliyi etdiyi bütün beynəlxalq tədbirlərə yüksək diqqət göstərmişdir. Bu münasibətlər sistemində parlamentlərarası əlaqələr vacib yer tutur. Belə ki, Azərbaycan Respublikasının Milli Məclisində Azərbaycan-Almaniya parlamentlərarası əlaqələr üzrə işçi qrupu fəaliyyət göstərir. Almaniya Bundestaqında Almaniya-Cənubi Qafqaz parlament qrupu Azərbaycanı da əhatə edir.

Bütün bunlar aprelin 2-də Azərbaycana ilk dəfə olaraq rəsmi səfərə gəlmiş Almaniya Federativ Respublikasının Prezidenti Frank-Valter Ştaynmayerlə görüşdə və dövlət başçılarının mətbuata bəyanatlarla çıxışlarında da öz əksini tapıb. Prezident İlham Əliyev səfərin iki ölkə arasındakı əlaqələrə yeni müsbət təkan verəcəyinə əminliyini ifadə etmişdir: “Biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var”.

Almaniya prezidenti Frank-Valter Ştaynmayer öz növbəsində Azərbaycanı inkişaf etmiş mühüm məkan kimi gördüyünü dilə gətirib. O, buradan olduqca vacib ticarət yollarının keçdiyini və amilın dünyanın birləşməsində əsas vasitə ola biləcəyini bəyan edib.

Bütün bunları nəzərə alaraq əminlikdə demək olar ki,Almaniya prezidenti Frank-Valter Ştaynmayerin Azərbaycana ilk rəsmi səfəri iki dövlət arasında qarşılıqlı münasibətlərin inkişafında yeni mərhələnin başlanğıcı kimi dəyərləndirilə bilər.





Nizami  Əlisəfa oğlu Məmmədov,
YAP Masallı Rayon Təşkilatının Öncəqala ərazi partiya təşkilatının sədri.шаблоны для dle 11.2