Azərbaycan ilə Vietnam arasında strateji tərəfdaşlıq möhkəmlənir
- 11-05-2025, 23:30
- Maraqlı
- 0
- 157
Azərbaycan Respublikası ilə Vietnam Sosialist Respublikası arasında dostluq və əməkdaşlıq münasibətləri hər ötən il daha da dərinləşməkdədir. Bu münasibətlərin hüquqi-insititusional bazasını gücləndirmək və əməkdaşlığın müxtəlif sahələrinin sistemli şəkildə inkişaf etdirmək məqsədilə iki ölkə arasında bir sıra əhəmiyyətli sənədlər imzalanmışdır.
2025-ci il may ayında Azərbaycan Prezidenti İlham Əliyevin Vietnama səfəri çərçivəsində əldə olunmuş razılaşmalar və imzalanmış sənədlər bu baxımdan strateji xarakter daşıyır.
İmzalanmış sənədlər müxtəlif sahələri-iqtisadiyyat, ticarət, kənd təsərrüfatı,enerji və mədəniyyəti əhatə etməklə əməkdaşlıq münasibətlərinin çoxşaxəli inkişafına xidmıt edir.İki ölkə arasında ticarət və iqtisadi əlaqələrin genişləndirilməsi məqsədilə imzalanmış qarşılıqlı investisiyaların təşviqini,biznes dairələrinin birbaşa təmaslarının intensivləşməsini və ixrac imkanlarının genişləndirilməsini nəzərdə tutur.Bu sənədlər əsasında həm dövlət strukturları, həm də özəl sektorlar arasında birbaşa əməkdaşlıq formatları formalaşdırılacaq.
Xüsusi kənd təəsərrüfatı sahəsində təcrübə mübadiləsi, yeni texnologiyaların tətbiqi, ərzaq təhlükəsizliyi və aqrar məhsulların emalı istiqamətində əməkdaşlıq üçün zəmin yaranmışdır.
Azərbaycanın müasir kənd təsərrüfatı siyasəti və Vietnamın tropik iqliməuyğun istehsal imkanları bir-birini tamamlayaraq bu sahədə qarşılıqlı faydalı tərəfdaşlıq yaradacaqdır.
Enerji sektoru üzrə imzalanmış Azərbaycanın zəngin təbii ehtiyatları və enerji daşıyıcıları sahəsindəki təcrübəsinin Vietnam üçün əhəmiyyətli olmasını təsdiqləmişdir.Xüsusilə bərpa olunan enerji sahəsində birgə təşəbbüslər və investisiya imkanları barədə razılıqlar əldə olunmuşdur. Bu, iki ölkənin yaşıl enerji keşidinədair ortaq maraqlarını əks etdirir.
Təhsil və elmi əməkdaşlıq sahəsində də sənədlər imzalanmış,bu sənədlər tələbə və akademik mübadilələrin təşkili,ortaq tədqiqat layihələrinin həyata keçirilməsi və unuversitetlərarası tərəfdaşlıq əlaqələrinin qurulmasını nəzərdə tutur.Bu əməkdaşlıq gələcək nəsillərin bir-birini daha yaxından tanınmasına,həmçinin intelektual potensialın güclənməsinə təkan verəcəkdir.
Mədəniyyət və humanitar sahədə imzalanan sənədlər isə xalqlar arasında mənəvi yaxınlaşmanı təşviq etməyə yönəlmişdir.Birgə sərgilər, mədəniyyət günləri, sənətkarların mübadiləsi və folklor tədbirlərinin keçirilməsi qarşılıqlı mədəni zənginliyin paylaşılmasını təmin edəcəkdir.Humanitar əməkdaşlıq çərçivəsində səhiyyə, sosial rifah və gender bərabərliyi mövzuları da gündəmdədir.
Əlavə olaraq tərəflər beynəlxalq təşkilatlar çərçivəsində qarşılıqlı dəstəyin artırılması, çoxtərəfli platformalarda kordinasiyanın gücləndirilməsi barədə də fikir birliyinə də gəlmişlər. Bu sənədlər ,bütövlük də, Azərbaycan ilə Vietnam arasında strateji tərəfdaşlığın yeni mərhələyə qədəm qoyduğunu göstərir və gələcəkdə daha konkret layihələrin reallaşdırılması üçün baza rolu oynayacaq.
Şəkilə Xəlilova,
Masallı rayon S.Xəlilov adına Qızılağac kənd 1 nömrəli tam orta məktəbin müəllimi
