Azərbaycan və Türk dünyası: Birliyin mərkəzində bir dövlət

 21 may 2025 ci ildə Budapeşt şəhəri tarixi hadisəyə şahidlik etdi. Burada keçirilən Türk Dövlətləri Təşkilatının (TDT) Dövlət başçılarının qeyri-rəsmi Zirvə görüşü təkcə siyasi yox, həm də mənəvi baxımdan türk dünyasının güclənməsinin göstəricisinə çevrildi. TDT Türk dövlətlərinin ortaq talelərini, qarşıda duran məqsədlərini müəyyənləşdirilmək və reallaşdırılmaq üçün mühüm bir platformadır. Təşkilatın keçirdiyi Zirvə görüşləri Türk dövlətləri arasında iqtisadi, sosial, mədəni əlaqələrin möhkəmləndirilməsi, təhlükəsizliyin təmin edilməsi, yeni istiqamətlərin müəyyən olunması baxımından çox əhəmiyyətlidir. 

Azərbaycan Türk Dövlətləri Təşkilatının ən fəal üzvlərindən biridir və qurumun tədbirlərində yaxından iştirak edir. Türkçülük idealları dərin tarixi köklərə və mənəvi dəyərlərə əsaslanır, milli yaddaşımızdan qaynaqlanır. Minillik dövlətçilik tarixi olan türk xalqlarının ayrı-ayrı boyları öz tarixi yaddaşında bu ideyanı daima yaşatmışlar və davam etdirirlər.Bu ideyanın siyasi platformaya çevrilməsi, türk xalqlarının bir təsisat altında birləşməsi ideyası məhz Ulu öndər Heydər Əliyevin simasında öz intibah dövrünü yaşamağa başladı. Ulu Öndər Heydər Əliyevin təməlinin qoyduğu, cənab İlham Əliyev tərəfindən uğurlu şəkildə davam etdirilən Türk Birliyi yaradılması və inkişaf etdirilməsi strategiyası təkcə Anadoluda, Qafqazda və Mərkəzi Asiyada yaşayan və müstəqil dövlətə malik türk xalqları üçün deyil, həm də bütün dünyaya səpələnmiş, fərqli ölkələrdə yaşayan türklər üçün ümid işığı, güvənc yeri kimi son dərəcə qiymətlidir və gələcəyə daha inamla baxmağa imkan verir.

  21 May 2025-ci ildə Budapeştdə keçirilən Türk Dövlətləri Təşkilatının Dövlət Başçılarının Qeyri-rəsmi Zirvə Görüşündə çıxış edən Azərbaycan Respublikasının Prezidenti cənab İlham Əliyev Türk dünyasının birliyinin və əməkdaşlığının əhəmiyyətini vurğulayaraq, TDT-nin gələcəkdə qlobal səviyyədə əhəmiyyətli bir güc mərkəzinə çevriləcəyinə inamını ifadə edib. O bildirib ki, gün gələcək dünyanın bütün problemləri Türk Dövlətləri Təşkilatı ilə məsləhətləşmə yolu ilə həll olunacaq.

Bəli bu təşkilat, ortaq köklər üzərində qurulmuş, müasir dünyada öz sözünü deməyə hazır olan siyasi, iqtisadi və mədəni bir gücdür. Bu gücə güc qatan Azərbaycandir. Azərbaycan regionda etibarlı tərəfdaş və siyasi lider kimi mühüm rol oynayır və daim da oynayacaqdır.Allah Dövlətimizi qorusun.