“Müstəqilliyimiz əbədidir, daimidir, dönməzdir”

Mayın 26-da Masallı Dövlət Regional Kollecinin, Yeni Azərbaycan Partiyası Masallı rayon təşkilatının, Azərbaycan təhsil işçiləri azad həmkarlar ittifaqı Masallı rayon komitəsinin, Lənkəran-Astara Regional Gənclər və İdman İdarəsinin, Masallı rayon Gənclər evinin və Panda School Tədris mərkəzinin birgə təşkilatçılığı ilə  28 may Müstəqillik gününə həsr olunmuş “Müstəqilliyimiz əbədidir, daimidir, dönməzdir” adlı tədbir keçirilib.

İlk öncə Ulu Öndər Heydər Əliyevin və Şəhidlərin əziz xatirələri 1 dəqiqəlik sükutla yad edilib.

Masallı Dövlət Regional Kollecinin direktoru Rövşən Qurbanov çıxış edərək bildirib ki, may ayının 28-də xalqımızın dövlətçilik tarixinin ən parlaq səhifələrindən olan Azərbaycan Xalq Cumhuriyyətinin yaradılmasını qeyd edirik. Azərbaycan Xalq Cumhuriyyəti bütün müsəlman şərqində  ilk demokratik, türk dünyasında isə ilk hüquqi dövlət odi. Məhz belə bir dövlətin qurulması xalqımızın milli şüur səviyyəsinin, siyasi, intellektual və mədəni potensialının, yüksək istedad bə qabiliyyətinin göstəricisi idi.

Yeni Azərbaycan Partiyasının Masallı rayon təşkilatının sədri Seyfəddin Əliyev çıxışında zəngin dövlətçilik ənənələri olan Azərbaycan xalqının XX əsrin əvvəlində müsəlman Şərqində ilk demokratik respublika yaratmasının mühüm tarixi nailiyyət olduğunu vurğulayaraq, mövcud tarixi şəraitdə Cümhuriyyətin qurulması, yaradılan demokratik təsisatlar, Azərbaycan dilinin dövlət dili elan edilməsi, Milli Ordunun təşkil olunması, qadınlara seçki hüququnun verilməsi və s. istiqamətdə görülən işlər barədə söhbət açaraq qeyd etdi ki, bu gün ulu öndər Heydər Əliyevin siyasi irsinin layiqli davamçısı Prezident İlham Əliyev tərəfindən siyasi ənənələrə və dövlətin qorunmasının ali prinsiplərinə uyğun olaraq  müstəqilliyimizin qorunub saxlanılması, Azərbaycanda demokratik cəmiyyətin formalaşdırılması, demokratik hüquqi dövlət quruculuğunun daha da dərinləşdirilməsi üçün misilsiz islahatlar həyata keçirilməsi Azərbaycanın dövlətçilik ənənələrinin davamının göstəricisidir.

Azərbaycan təhsil işçiləri azad həmkarlar ittifaqı Masallı rayon komitəsinin sədri Rasim Nurullayev, Lənkəran-Astara Regional Gənclər və İdman İdarəsinin rəisi Sabiq Cahangirov, Masallı rayon Gənclər evinin direktoru Fuad Mənsimov və Panda School Tədris mərkəzinin direktoru Həşim İbişov  bu əlamətdar tarixi gün münasibətilə bütün Azərbaycan xalqını ürəkdən təbrik edib, dövlətimizə əbədi müstəqillik və suverenlik, millətimizə isə bu yolda əzmkarlıq və güc birliyi arzulamışlar.

Tədbirdə “Sən bizimsən bizimsən durduqca bədəndə can, Yaşa yaşa çox yaşa ey şanlı Azərbaycan“ adlı video rolik təqdim olunduqdan sonra kollecin ictimai işlərində fərqlənən  bir qrup tələbələri və Viləş uşaq bağçasının balaca fidanlarının ifasında kompazisiya nümayiş olundu.

 Sonra kollecin bir qrup tələbələri Yeni Azərbaycan Partiyası Masallı rayon təşkilatı, Azərbaycan təhsil işçiləri azad həmkarlar ittifaqı Masallı rayon komitəsi, Lənkəran-Astara Regional Gənclər və İdman İdarəsi, Masallı rayon Gənclər evini və Panda School Tədris mərkəzi tərəfindən fəxri fərman və hədiyyələrlə təltif olundular.

Tədbir iştirakçıları sonda Masallı rayon onbir illik uşaq incəsənət məktəbinin şagirdlərinin əl işlərindən ibarət rəsm sərgisi ilə tanış olublar.


















шаблоны для dle 11.2