Ələt-Astara avtomobil yolunda təmizlik ənənəsi davam edir

Ələt-Astara avtomobil yolunun Masallı rayonundan keçən hissəsində mütəmadi olaraq təmizlik və abadlıq işləri həyata keçirilir.

Belə ki, Ələt-Astara avtomobil yolunun Göyəçöl, Musakücə və Öncəqala kəndlərindən keçən hissəsində Mənzil Kommunal Təsərrüfatı İstehsalat Birliyinin əməkdaşları tərəfindən genişmiqyaslı təmizlik və abadlıq aparılıb. Təmizlik çərçivəsində yol kənarları məişət və digər tullantılarından təmizlənib, həmçinin ərazidə alaq otlarının biçilməsi və qurumuş kolların yığışdırılması işləri görülüb.

Qeyd edirik ki, bu cür tədbirlərin keçirilməsində əsas məqsəd ekoloji vəziyyətin yaxşılaşdırılması və avtomobil yolu boyunca təmizliyin qorunmasıdır.

Masallı rayonunun bütün yaşayış məntəqələrində təmizlik və abadlıq işləri mütəmadi olaraq davam etdirilir.