Azərbaycan Prezidentinə yazırlar
- 6-02-2026, 20:52
- Maraqlı
- 0
- 1 020
Hörmətli cənab Prezident!
Sizin Birləşmiş Ərəb Əmirliklərinin nüfuzlu Şeyx Zayed Fondunun 2026-cı il üçün “Zayed İnsan Qardaşlığı Mükafatı“na layiq görülməyiniz hamı kimi bizi də çox sevindirir. Siz bütün mükafatlara layiqsiniz. Ona görə də “Zayed İnsan Qardaşlığı Mükafatı“ layiqli sahibini tapdı.
Fevralın 5-də Sizə, Azərbaycanın dünyada tanınmış siyasi xadiminə və sülhün carçısına təqdim olunan mükafat mərasimi böyük təntənəyə çevrildi. Bunu görüb çox sevindik, qürur hissi keçirdik.
Cənab Prezident, yüksək nüfuzlu mükafatın Birləşmiş Ərəb Əmirliklərinin Prezidenti Şeyx Məhəmməd bin Zayed Əl-Nəhyan tərəfindən şəxsən təqdim olunması ali tədbirin siyasi ağırlığını daha da artırdı. Bu mükafat həm də Azərbaycanın sülh gündəliyinin beynəlxalq ictimaiyyət tərəfindən qəbul edilməsinin parlaq ifadəsidir.
Möhtərəm Prezident!
Sizə təqdim edilən “Zayed İnsan Qardaşlığı Mükafat”na təkcə Azərbaycan və Ermənistan arasında sülhün bərqərar olunmasına görə deyil, eləcə də Cənub bölgəsində və dünyada sülhə və qlobal sabitliyə verdiyi misilsiz töhfələrə görə hesablanıb. Təbii ki, bu humanist missiya ardıcıllıqla davam edəcəkdir. Çünki bütün dünyanın sakinləri müharibə odunu görmək istəmir, sülh şəraitində yaşamaq, işləmək, xoşbəxt olmaq istəyir.
Həmin gün hələ çox xatırlanacaq, sülhsevər insanlar Azərbaycanın qüdrətli bir dövlət olduğunu daim görəcəklər. Siz bir daha dünyaya mesaj verdiniz ki, böyük Lider təkcə müharibədə qalib gələn deyil, həm də odun üstünə su tökə bilən, gələcək nəsillər üçün sülh, açıq səma, gözəl günəşli bir cahan saxlayan şəxsiyyətdir.
Məhz həmin günəşli günlər naminə həyat yollarında Sizə dünyanın xilası naminə nümunəvi addımlarınızla daha çox uğurlar, möhtəşəm qələbələr, cansağlığı arzu edirik.
Uca Tanrı Sizi həmişə pənahında saxlasın.
Hörmətlə,
Hüseynov Mirqabil, “Tərəqqi” və “Vətən naminə” medalı ilə təltif olunmuş Əməkdar müəllim,
Şükürov Əlihüseyn, “Azərbaycan Milli mətbuatının 150 illiyi” medalı ilə təltif olunmuş jurnalist
Azərbaycan Respublikası, Masallı rayonu.
