• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallıda yeni kitabların təqdimatı

    Masallıda yeni kitabların təqdimatı

     
                                               Masallıda yeni kitabların təqdimatı 
     
    Ağsaqqal sözü, Vətən sevgisi, milli-mənəvi və multikultural dəyərlər...
     
    Masallıda rayon Ağsaqqallar Şurasının təşəbbüsü, Mərkəzi Kitabxana Sisteminin, Müharibə, Əmək və Silahlı Qüvvələr Veteranlar Təşkilatı rayon şöbəsi əməkdaşlarının, ağsaqqal və ziyalıların, yaradıcı insanların iştirakı ilə rayonun ədəbi mühitinin bir neçə nümayəndəsinin əsərlərinin təqdimatı keçirilib.
    Masallı şəhər Ağsaqqallar Klubunda təşkil olunan tədbirdə yazıçı-publisist Ələşrəf Niftiyevin “Yaxşılığa qoyulmayıb tərəzi...”, şair-publisist, Azərbaycan Yazıçılar Birliyinin üzvü Nurməmməd Ağayevin (Ağa) “Hər görüşdə ayrılıq var...”, qocaman və tanınmış pedaqoq Əlisa Qədiyevin “Kalinovka”, yaradıcı tibb işçisi Rəna Rzayevanın (Əlisaqızı) “Doğma yurdum Kalinovka” kitablarının müzakirəsi olub.
    Tədbiri giriş sözü ilə açan rayon Ağsaqqallar şurasının sədri, III dərəcəli “Vətənə Xidmətə görə” ordenli Ələşrəf Niftiyev qeyd edib ki, son vaxtda nəşr olunmuş kitabların əsas leytmotivini milli-mənəvi dəyərlərimizin, gənclərin hərbi-vətənpərvərlik işinin təbliği, Azərbaycanımızın dünyada bəyənilən və qəbul edilən multikultural və tolerantlıq sahəsində müsbət təcrübəsinin genişləndirilməsi, azərbaycançılıq ideologiyasının miqyasına diqqətin artırılması, doğma yurdumuza, ölkəmizin dəyərlərinə layiqli qiymətin verilməsi təşkil edir.
    Natiq respublikamızda ağsaqqallara, incəsənət nümayəndələrinə, yazıçı və şairlərə verilən yüksək qiymətdən söz açaraq, ölkə Prezidenti tərəfindən son günlər əhalinin rifahının yüksəlməsi yönümüdə atdığı inqilabi addımlardan danışıb, belə bir şəraitdə yazıb-yaratmağa, bacarığını nümayiş etdirməyə yaradıcı insanlarda daha da böyük həvəs oyandığını vurğulayıb.
    Azərbaycan Yazıçılar və Jurnalistlər Birliklərinin üzvü Ələşrəf Niftiyev bildirib ki, Novruz bayramı və poeziya günü ərəfəsində təqdimatına toplaşdığımız bu kitablardakı xatirələr, şeirlər, hekayələr, sənədli yazılar hər bir yazarın torpağa, Vətənə sevgisi, əhatəsindəkilərin məhəbbəti, digər xalqların nümayəndələrinə hörmət-izzətin, yüksək insani hisslərin əks-sədasıdır.
    Müharibə, Əmək və Silahlı Qüvvələr Veteranları Təşkilatı (MƏSQVT) Masallı şöbəsinin sədri Məmmədağa Şiriyev, “Xalq Qəzeti"nin bölgə müxbiri, tanınmış jurnalist, şair-publisist Əli Nəcəfxanlı, yaradıcı ağsaqqal Şərafət Əzimov, yazar Dilşad Kərimova (Nüsrətqızı), Mərkəzi kitabxananın müdiri Əlhəddin Nəzərov, R.Tağıyev adına Tarix-Diyarşünaslıq Muzeyinin direktoru, Əməkdar mədəniyyət işçisi Əntiqə Tağıyeva, RİHB-nin Viləş (Kalinovka) kənd inzibati ərazi dairəsi üzrə nümayəndəsi Alim Ələmov, ədəbiyyat müəllimi Oqtay Həsənov, oxucular Əfrail Fərziyev, Sərraf Eyvazov, Nazilə Tahirova, İttifaq Rzayev və başqaları müəlliflər haqqında xoş sözlərini dilə gətirib, kitablarla bağlı fikirlərini bölüşüb, onlara yeni yaradıcılıq uğurları arzulayıblar.
    Təqdim olunan əsərlərin əhəmiyyətindən danışaraq, onlar barədə müsbət rəy söyləyən çıxışçılar bu kitabların gənc və yaşlı nəsil nümayəndələri üçün oxunaqlı olacağını əminliklə ifadə ediblər.
    Müzakirələrdə vurğulanıb ki, tanınmış yazıçı- publisist Ələşrəf Niftiyevin oxucularla növbəti onuncu – “Yaxşılığa qoyulmayıb tərəzi...” kitabı ilə görüşə gəlməkdə məqsədi milli-mənəvi dəyərlərimizin təbliği və qorunmasında xidmətləri olmuş Masallıdan olan ağsaqqalların, habelə bu istiqamətdə səmərəli fəaliyyət göstərən rayon şurasının işindən söz açmaqdır. Kitabda yeniyetmə gənclərə xitabən bu irsi öyrənməyə, aqil və müdriklərdən nümunə götürməyə çağırış ön plandadır. Həmçinin müəllifin təqdim etdiyi son iki ilə qədər müddətdəki qələmə aldığı yazılarında, gənclərə nəsihətdə millətimizi səciyyələndirən azərbaycançılığın fərqləndirici xüsusiyyətlərindən olan yaxşılığa, xeyirxahlığa, mərhəmətə xidmətdə yaşlı nəslin ənənələrini davam etdirmək üçün öyüd-nəsihət, ağsaqqal sözü əsas yer tutur.
    Müəllif qələm yoldaşları, oxucular yekdilliklə bildiriblər ki,  əmək veteranı Ələşrəf müəllim məsul vəzifələrdə qüsursuz çalışdığı bütün zamanlarda gənc nəslin, bütün yazarların himayədarı olub. Elə bunun bəhrəsidir ki, yaradıcı şəxsin qələmə aldığı əksər əsərlərin qəhrəmanları real həyatdan götürdüyü insanlardır. Məhz buna görə də bu əsərlər maraqla oxunur.
    Qeyd olunub ki, ağsaqqal yaradıcı Əlisa Qədiyev “Kalinovka” kitabında bu kəndin inkişafı yollarında tarixi sübutlara istinad edərək, bütün olanları ustalıqla qələmə alınmışdır. Kitabda əsas yerlərdən birini də Viləş kəndində yaşamış və iki qardaş millətin – molokonlar və azərbaycanlıların 185 il qonşuluq şəraitində birgəyaşayışının tərənnümü tutur.
    89 yaşlı müəllif burada multikultural münasibətlərə geniş yer verir. Bu yerdə ilk məskən salan molokonlar olsa da, son olaraq ətraf kəndlərdən bura insan axını başlamışdır. Buna baxmayaraq, köçüb gəlmiş ayrı-ayrı xalqların nümayəndələri azərbaycanlılarla qaynayıb qarışmış, mehriban ailə kimi yaşamış və günümüzə kimi yaşamaqdadırlar.
    İki əsrə yaxın yaşı olan bu kəndin dünəni, bu günü, sənət adamları, ziyalıları, eləcə də kəndin etimologiyası haqqında geniş məlumat verən müəllif  bu torpağın yetişdirdiyi vətənpərvər qəhrəmanları da unutmur:

    And içib şəhidləri uyun torpağa,
    Nurlan sarılaraq odlu silaha,
    Şahin tək şığıdı qanlı meydana
    Zərbələr endirdi haqsız düşmana.
    Hayqırdı yağılar üstünə bir də,
    İntizar həsrəti qaldı geridə...
     
    “Hər görüşdə ayrılıq var...” kitabı haqqında danışılarkən məlumat verilib ki, şair-publisist, Azərbaycan Yazıçılar Birliyinin üzvü Nurməmməd Ağa şeirləri və bədii-publisistik yazıları ilə 1972-ci ildən dövri mətbuatda çıxış edir. Üç tarixi- etnoqrafik, bədii-publisistik və iki şeirlər kitabının müəllifidir.
    Ötən əsrin 80-ci illərində bu istedadlı insana mərhum xalq şairi Bəxtiyar Vahabzadə “Uğurlu yol” yazaraq, dəyərli fikirlər söyləmişdir. N.Ağa ilə vaxtaşırı əlaqə saxlayan B.Vahabzadə məktublarının birində yazır: “ Şeirlərin çox xoşuma gəldi. Yenidir, orijinaldır. Düşüncən və hissin əsl şair düşüncəsi və hissidir. Belələri az olur, amma olur. Sağ ol təbrik edirəm, sənə uğurlar diləyirəm. ”
    Təqdim olunan kitabda müəllifin şeir, qəzəl və poemaları ilə yanaşı tanınmış tənqidçilər, filologiya elmləri doktorları Vaqif Yusifli, Akif Hüseynli, eləcə də digər qələm yoldaşlarının Nurməmməd Ağanın yaradıcılığından bəhs edən yazıları yer alıb.
    Kitabın redaktoru, şairin qələm yoldaşı Əli Nəcəfxanlının dediyi kimi, Nurməmməd Ağanın yaradıcılıq nümunələri sərraf oxucu nəzərlərindən yayınmır. “Təndir Vətəndir”, "Gənclik metrosu" və s. sanballı şeirlər müəllifi kimi tanıdığım bu müəllif indi də əruz vəznində qələmini məharətlə sınayır, türfə qəzəllər yazır...

    “...Hanı ocaq hənirtisi, ocaq istisi?!
    Hanı təndir, hanı külfə, hanı o ərsin?!
    Qovub barıt qoxusunu təndir tüstüsü,
    Çınqı-çınqı təndirimin külü göyərsin!
    Vətənə təndir,
    Vətəndi təndir!”
    Odu ruzudu,
    Külü bitəndir!

    Və ya:

    “Metroda bir qoca soruşdu mənnən:
    Necə getmək olar, “Gəncliy”ə, bala?!
    Dedim:-Qocalıqdan, hələ gəncliyə
    Metro çəkilməyib, bilirsən, baba?!
    Baxıb gülümsədi, xəyala daldı,
    Sonra köks ötürdü, bilsən nə qədər:
    Dedim:- eh, qocalıq yaxşı olsaydı,
    Adına bir metro düzəldərdilər... “
    Müzakirələr zamanı bildirilib ki, Rəna Əlisaqızının “Doğma yurdum Kalinovka” kitabında Masallı rayonunda rus və molokonların məskunlaşdığı yeganə rus kəndi olan, Viləş çayının sahilində yerləşən bu yaşayış məntəqəsinin yaxın keçmişi, kəndin nümunəvi xidməti olmuş övladlarına həsr edilmiş poema və hekayələri əks olunub, bununla yanaşı, müəllif kitabında molokonların azərbaycanlılarla qonşuluq münasibətlərinə və fərqli millətlərin, dinlərin xalqımızın tolerantlıq əqidəsini əks etdirən reallıqlara geniş yer vermişdir.
    Şairə-publisist bu kitabında kəndin keşmişinə nəzər salıb, “Tənha qadın”, “Alman tipli ev”, “Evin son sakini”, “Hələ də gözləyirlər”, “Yurd sevgisi” hekayəsində, “Ürəyimin səsi” poemasında igid, əməksevər insanların həyatını, yaşam tərzini qələmə alıb.

    ...”Bənbənövşə”, “Əvvəliydi” oyunumuz,
    Bərkiyərdi bədənimiz, qolumuz.
    “Vurdu-qaçdı” oynayardı uşaqlar,
    Qələbəyçün ucalardı alqışlarş
    “Çiling ağac” “Xan-vəzir”di oyunumuz,
    Oynayardıq, vardı dəvə topumuz...

    Və yaxud da:

    ...Uzunduraz Olqa vardı mordovan,
    Rəqs etməkdə verməz idi heç aman.
    Katib Mila toyumuzda süzərdi,
    Əlimizdən manatları üzərdi.
    “Kalinkaydı” ən sevimli mahnısı,
    Döndərərdi “İnnabı”ya havasın.
    Fatma xala tez yerindən duradı,
    Mila ilə qol-boyun oynayardı...
     Qeyd edək ki, orta məktəb illərindən bədii yaradıcılıqla məşğul olan Rəna Əlisa qızının dövri mətbuatda, almanaxlarda və jurnallarda şeir, qəzəl, mənsur şeirlər, hekayə və poemaları dərc olunub. Hazırda Viləş kənd xəstəxanasında tibb işçisi kimi çalışan R.Əlisaqızı “Qızıl qələm”, “Xanqızı Natəvan”, “Şəfalı əllər” media mükafatları laureatıdır. Bundan əlavə müəllifin “Oxu ürəyimi sən vərəq-vərəq”  şeirlər kitabının müəllifidir.
    Tədbirdə şairənin nəvələri Fatimə və Zəhra Rzazadələr, Zahidə Oruclu onun şeirlərindən bir neçəsini səsləndiriblər.
    Müəlliflər tədbirə toplaşanlara minnətdarlıqlarını bildirib, yaradıcılıq planlarından danışıb, yeni şeirlərini oxuyub, kitab nüsxələrini imzalayaraq oxuculara təqdim ediblər.
    Onlar çıxışlarında diqqətə çatdırıblar ki, bundan sonra da yazacağımız əsərlərdə xalqa, dövlətçiliyimizə xidmət, Azərbaycanımızın uğurlarının dolğun təbliğinə geniş yer verəcək, oxucu rəğbətini qazanmaq üçün daha məzmunlu, oxunaqlı kitablarla görüşünüzə gələcəyik.
    Sonda təqdimat sahiblərinə - yaradıcı ağsaqqal və ziyalılara rayon ağsaqqallar şurasının və MƏSQVT-nin Fəxri fərmanları təqdim edilib. 

    Akif AĞAYEV,
    “Yeni həyat”,
    www.yeniheyet.az шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 12:39 AQUP üzrə Dövlət Komitəsinin sədr müavini və BMT-nin İnkişaf Proqramının rezident nümayəndəsi Masallıda
    2. 15:37 Masallıda FHN, DİN və Səhiyyə Nazirliyinin qurumları birgə təlim keçirib
    3. 20:51 Masallıda gənclərin Tarix-Diyarşünaslıq Muzeyinə ekskursiyası
    4. 16:19 Masallı RİH başçısının Banbaşı ərazisində səyyar görüş-qəbulu
    5. 15:33 Masallıda boks üzrə rayon birinciliyinə yekun vurulub
    6. 17:26 Masallıda “Xocalı qətliamı” filmi nümayiş olunub
    7. 17:10 Vətəndaşlara Xidmət və Sosial İnnovasiyalar üzrə Dövlət Agentliyinin sədri “GəncLİK” proqramının iştirakçıları ilə görüşüb
    8. 18:20 Masallıda Milli Qəhrəman Səfəralı Məmmədovun anım günü
    9. 17:39 Masallıda “Əsgərə salam” hərbi-vətənpərvərlik aksiyası
    10. 17:44 “El havası” “Gənclər paytaxtı” Masallıda…
    11. 15:50 Masallıda Səfərbərlik və Hərbi Xidmətə Çağırış üzrə Dövlət Xidmətinin yaranmasının 8 illik yubileyi keçirilib
    12. 15:32 Masallı RİH başçısının Təzəkənd ərazisində səyyar görüş-qəbulu
    13. 16:02 “Gələcəyin birİNCİləri” Masallıda
    14. 14:50 Masallı boksçusu respublika birinciliyinin bürünc medalına sahib olub
    15. 14:14 "El havası” əyləncəli musiqi layihəsinin növbəti seçim turu Masallıda keçiriləcək
    16. 15:19 Prezident İlham Əliyev Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransda iştirak edib
    17. 16:52 Masallıda “2 fevral – Azərbaycan Gəncləri Günü” qeyd edilib
    18. 18:24 Masallıda yeni uşaq-əyləncə və ticarət mərkəzi tikilir
    19. 18:05 Masallıda maarifləndirici treninqlər keçirilib
    20. 18:00 Masallı RİH başçısının şəhər ərazisində səyyar görüş-qəbulu
    21. 17:26 Masallı cüdoçuları Şirvandan evə 11 medalla qayıdıblar
    22. 17:56 Masallıda “Könüllülər-2020” mövzusunda konfrans keçirilib
    23. 17:42 Masallıda könüllülər üçün intellektual oyunlar keçirilib
    24. 15:11 Masallıda 20 Yanvar şəhidləri anıldı
    25. 18:11 Masallıda Aprel şəhidi Firdovsi Bağırzadənin xatirəsinə mini-futbol turniri keçirilir
    26. 17:31 Masallıda futzal üzrə rayon birinciliyinə yekun vurulub
    27. 16:53 Masallıda 20 Yanvar faciəsinin 30-cu ildönümü qeyd olunub
    28. 16:23 Masallının Gəyəçöl kəndində şəhidlər parkı istifadəyə verilib
    29. 22:59 Ədliyyə nazirinin müavini Masallıda vətəndaşları qəbul edib
    30. 18:20 Masallı RİH başçısının Ərkivan qəsəbəsində səyyar görüş-qəbulu
    31. 17:13 Masallıda gənclər təntənə ilə Milli Orduya yola salınıb
    32. 14:02 Masallının ucqar dağ kəndində Yeni il şənliyi
    33. 17:34 Masallı Rayon İcra Hakimiyyətinin başçısı Mərkəzi Xəstəxanada
    34. 17:23 Masallıda möhtəşəm yeni il qarşılaması
    35. 14:36 Masallı RİH başçısının təşəkkürü
    36. 18:29 Həzi Aslanovun 110 illiyi qeyd ediləcək
    37. 18:02 Masallıda cüdo üzrə açıq birincilik keçirilib
    38. 18:33 Masallıda “Cırtdan nağıllar aləmində” meqa-şousu maraqla qarşılanıb
    39. 22:15 Ulu öndərin həmrəylik ideyaları
    40. 21:51 Masallıda bayram əhval-ruhiyyəsi
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Masallı turizm mərkəzinə çevrilir
    Masallı turizm mərkəzinə çevrilir
     Masallı turizm mərkəzinə çevrilir İstisuda müalicəvi turizm şəhərciyinin salınması təkcə rayonu yox, bölgəni böyük mərkəzə Ətraflı oxu
    Bütün xəbərlər
    «    Fevral 2020    »
    BeÇaÇCaCŞB
     12
    3456789
    10111213141516
    17181920212223
    242526272829 
    DÜNYA XƏBƏRLƏRİ