Masallı mədəniyyət işçilərinin Ramazan ziyarəti

Ramazan ayının başlaması ilə əlaqədar şəhid ailələri və müharibə iştirakçıları ziyarət olunur

Mədəniyyət İşçiləri Həmkarlar İttifaqının (MİHİ) Masallı rayon komitəsinin təşkilatçılığı və maddi dəstəyi ilə komitə sədri və Masallı Regional Mədəniyyət İdarəsinin rəhbər işçiləri rayonun bir neçə kəndində şəhid ailəsi və müharibə iştirakçılarını Ramazan ayı ilə əlaqədar ziyarət ediblər.
Mədəniyyət işçiləri və komitə sədri Masallı şəhərində şəhid Niyaməddin Hüsaməddin oğlu Sultanzadənin ailəsini ziyarət ediblər. Sonra onlar rayonun Şərəfə və Musaküçə kəndlərində müharibə iştirakçıları Kamran Nazir oğlu Xəlilli, Təhmasib Üzeyir oğlu Rzayev və Həsənağa Hüseynağa oğlu Mirzəyevə, Hacıtəpə kəndində qazi Tərlan Salmanov və Məhəmməd Səlimova, Təzə Alvadı və Viləş kəndlərində şəhid Sənan Səlimov və Balaqardaş Vəliyevin ailəsinə baş çəkiblər.
Görüş zamanı mədəniyyət işçiləri ailələrə Ramazan sovqatı təqdim edib, qazilərin səhhəti və qayğıları ilə maraqlanıblar.

www.yeniheyet.azшаблоны для dle 11.2