Prezident İlham Əliyev Bakıda Bona Dea Beynəlxalq Hospitalının açılışında iştirak edib
- 27-03-2018, 14:38
- Səhiyyə
- 0
- 1 855
Prezident İlham Əliyev Bakıda Bona Dea Beynəlxalq Hospitalının açılışında iştirak edib
Bakının Nizami rayonu ərazisində Bona Dea Beynəlxalq Hospitalının açılışı olub.
Azərbaycan Respublikasının Prezidenti İlham Əliyev və birinci xanım Mehriban Əliyeva açılışda iştirak ediblər.
Azərbaycan Prezidenti hospitalın rəmzi açılışını bildirən lenti kəsdi.
Bona Dea Beynəlxalq Hospitalının baş icraçı direktoru Faiq Əliyev və baş həkim Musa Abbasov dövlətimizin başçısına və birinci xanıma bu tibb müəssisəsi barədə məlumat verdilər. Bildirildi ki, hospital tibbi avadanlığına və texniki təchizatına görə dünyada bu sahədə ən müasir standartlara cavab verən az sayda müalicə ocaqlarından biridir.
Prezident İlham Əliyev və birinci xanım Mehriban Əliyeva hospitalda yaradılan şəraitlə tanış oldular.
Sonra dövlətimizin başçısı və birinci xanım hospitalın kollektivi ilə görüşdülər.
Sonda xatirə şəkli çəkdirildi.
