Masallı Dövlət Regional Kollecində 20 Yanvar faciəsinin 29-cu ildönümü
- 19-01-2019, 15:25
- Siyasət
- 0
- 309
Masallı Dövlət Regional Kollecində 20 Yanvar faciəsinin 29-cu ildönümü
Yanvarın 19-da Masallı Dövlət Regional Kollecində 20 Yanvar şəhidlərinin xatirəsi ehtiramla anıldı.
Yeni Azərbaycan Partiyası Masallı rayon təşkilatının dəstəyi, Masallı Dövlət Regional Kollecinin təşkilatçılığı ilə keçirilən tədbirdə rayon icra hakimiyyətinin, YAP rayon təşkilatının məsul işçiləri, ziyalılar, veteranlar, müəllim və tələbələr iştirak edirdi.
İlk öncə 20 Yanvar şəhidlərinin xatirəsini bir dəqiqəlik sükutla yad olundu.Tədbiri giriş sözü ilə Kollecin direktoru Vidadi Nəzərov açaraq dedi ki, 20 Yanvar tariximizin qanla yazılmış səhifəsi olsa da, əslində xalqımızın azadlıq uğrunda mübarizəsi, şərəf günüdür. Artıq bu tarix respublikamızın müstəqilliyi və suverenliyinin simvoluna çevrilib.
Yeni Azərbaycan Partiyası Masallı rayon təşkilatının sədri Seyfəddin Əliyev çıxışında bildirdi ki, 29 il öncə 20 yanvar günü Azərbaycan xalqı istiqlal əzmini ortaya qoyaraq, məğrurluğunu bütün dünyaya nümayiş etdirdi. Faciədən dərhal sonra ümummilli lider Heydər Əliyev Azərbaycanın Moskvadakı daimi nümayəndəliyinə gələrək bu qanlı hadisələrlə bağlı xalqımız adından sərt bəyanat verərək Sovet İttifaqının rəhbərliyini cinayətdə ittiham etdi. Məhz ulu öndərin ölkəmizin siyasi rəhbərliyinə qayıdışından sonra – 1994-cü ildə 20 Yanvar hadisələrinə siyasi-hüquqi qiymət verildi və cinayəti törədənlərin adları ictimaiyyətə açıqlandı. Bu gün də 20 Yanvar şəhidlərinin xatirəsi Azərbaycan Prezidenti İlham Əliyev tərəfindən əziz tutulur, dövlət tərəfindən şəhid ailələrinə layiqincə diqqət və qayğı göstərilir.
Sonda Masallı Dövlət Regional Kollecinin yaradıcı tələbə qrupunun ifasında kollecin müəllimi Cəmaləddin Əliyevin quruluş verdiyi “Qərənfilə qəmli demə” (müəllif Elnurə Ağazadə) adlı əbəbi-bədii kompozisiya nümayiş olundu.
Akif AĞAYEV,
“Yeni həyat”,
www.yeniheyet.az
