Masallının Öncəqala kəndində rayon rəhbərinin 06 mart 2025-ci il tarixdə səyyar görüş-qəbulu
06 mart 2025-ci il tarixdə rayonun Öncəqala kəndində Masallı Rayon İcra Hakimiyyətinin Başçısı Araz Əhmədov ərazinin sakinləri ilə növbəti səyyar görüş-qəbulunu keçirmişdir.
Masallı Rayon İcra Hakimiyyətinin Başçısı Araz Əhmədov səyyar görüş-qəbulunu açıq elan edərək qəbula gələn vətəndaşları salamlamış, ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.
Sonra rayon rəhbəri sözü Masallı rayon İcra Hakimiyyəti Başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.
Aparatın şöbə müdiri Elvin Fəttayev ötən səyyar-görüş qəbulu barədə çıxış edərək bildirmişdir ki, ərazidə ötən qəbul zamanı 5 nəfər vətəndaş tərəfindən 7 məsələ qaldırılmış, müraciətlərin 2-si müsbət həll olunmuş, 3 müraciətə qanunamüvafiq izahat verilmiş və 2 müraciətlə bağlı işlərin aparıldığını bildirmişdir.
Sonra şöbə müdiri ərazidə görülmüş işlər barədə məlumat verərək qeyd etmişdir ki, Şəhid ailələri, aztəminatlı ailələr və kimsəsizlərə məişət, eləcədə işıq, qaz problemlərinin həlli ilə bağlı yardımlar göstərilmiş, ərazidə 2 ədəd transformatorun ətrafı metal hasara alınmış, 16 ədəd elektrik dirəyi, 20 ədəd izoliasiya qurğusu və 350 metr məsafədə elektrik xətti yenisi ilə əvəz olunmuş, Öncəqala kəndində 3 və Hüseynhacılı kəndində 2 fərdi yaşayış evi təbii qaz xətti ilə təmin olunmuş, ərazi üzrə 2 km məsafədə kənddaxili yola çınqıl tökülərək hamarlanmış, GPON lahiyəsi üzrə “AzTelekom” İB və “CityNet” MMC şirkətləri tərəfindən yeni internet xətləri çəkilərək abonentlərin istifadəsinə verilmişdir.
Daha sonra şöbə müdiri Öncəqala ərazisində ümumilikdə 500 metr məsafədə suaparıcı kanal təmizlənməsi, ərazidə 4,6 km məsafədə küçələrin işıqlandırılması, Öncəqala kənd qəbiristanlığının ətrafınaz 130 metr uzunluğunda hasara alınma, hasarın suvanması, rənglənməsi, hasarın üstünə dəmir örtüyün çəkilməsi və qəbiristanlığın girişində 28 kv.metr ölçüdə çardaq tikilməsi,Hüseynhacılı kənd məscidinin daxilində istilik sisteminin quraşdırılması, Öncəqala kənd tam orta məktəbinin köhnə binası kənd sakinlərinin təklifi ilə ümumi istifadə üçün icarəyə verilməsindən ötrü sənədləşmə işlərinə başlanılması və Vətən Müharibəsi iştirakçısı Elmin Məmmədovun müraciəti əsasında Hüseynhacılı kəndinin girişində olan şəhid lövhəsinin qarşısında olan çökəklik kol-kosdan təmizlənməsi və çökəkliyə 10 yük maşını torpaq tökülərək hamarlanması barədə məlumatları görüş iştirakçılarının nəzərinə çatdırmışdır.
Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı çıxış edən vətəndaşların müraciətinə həssaslıqla yanaşmış, qaldırılan məsələləri qeydiyyata alaraq nəzarətə götürülməsini təmin etmiş və müraciətlərin həlli istiqamətində tapşırıqlarını vermişdir.
Masallı Rayon İcra Hakimiyyətinin Başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.
