Masallıda rayon rəhbəri Babaser kəndində şəhid ailəsini ziyarət etdi
23 aprel 2025-ci il tarixdə rayon rəhbəri rayonun Babaser kəndində şəhid ailəsini ziyarət etmişdir.
Belə ki, Masallı rayon İcra Hakimiyyətinin Başçısı cənab Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadiyev, Rayon İcra Hakimiyyəti Başçısının Boradigah qəsəbə inzibati ərazi dairəsi üzrə nümayəndəliyi, Qafqaz Müsəlmanları idarəsinin Masallı rayonu üzrə Qazısı Rəşid Talıbov, bələdiyyə, media nümayəndələri və kənd sakinləri ilə birlikdə rayonun Babaser kəndində Birinci Qarabağ Mühraibəsi şəhidi Şahbazov Rəşid Murad oğlunun ailəsinin yaşadığı evdə olmuşlar. Rayon Rəhbəri ailəni narahat edən məsələlərlə yerində tanış olmuş və ehtiyacları ilə maraqlanmışdır.
Şəhidin bacısı rayon rəhbərinə şəhid ailəsinin yaşadığı fərdi yaşayış evinin təmir olunmasına ehtiyac olduğunu bildirmiş və rayon rəhbəri tərəfindən müraciətin həlli istiqamətində tapşırıqlar verilmişdir. Bildirilmişdir ki, şəhid ailələri daim dövlətin diqqət və qayğısı ilə əhatə olunur və yaxın zamanlarda şəhid ailəsinin yaşadığı fərdi yaşayış evinin təmirinə başlanacaqdır.
Şəhidin ailəsi onlara göstərilən daimi diqqət və qayğıya görə Azərbaycan Respublikasının Prezidenti Cənab İlham Əliyevə, Azərbaycan Respublikasının Birinci Vitse-prezidenti Mehriban xanım Əliyevaya, rayon rəhbərliyinə və qonaqlara dərin minnətdarlıqlarını ifadə etmişlər.
