Masallı rayon rəhbəri yanğın nəticəsində zərər görmüş evdə aparılan təmir işləri ilə tanış olub
Masallı rayonunun Böyük Kolatan ərazisində aztəminatlı ailə – Zeynalova Məlahət Novruz qızına məxsus ev yanğın nəticəsində zərər görmüşdü. Evdə təmir işləri Masallı Rayon İcra Hakimiyyəti-nin təşəbbüsü və təşkilatçılığı, ərazi nümayəndəliyi və bələdiyyənin, eləcə də kənd xeyriyyəçilərinin maddi dəstəyi ilə aparılıb.
Masallı Rayon İcra Hakimiyyətinin başçısı Araz Əhmədov, başçının birinci müavini Tohid Hüseynov, başçının müavini – Sosial-iqtisadi və memarlıq-tikinti məsələləri şöbəsinin müdiri Adəm Məhərrəmov, ərazi nümayəndəsi, bələdiyyə sədri, media nümayəndələri və ictimaiyyət təmsilçiləri ilə birlikdə təmir olunan evdə olub, ailə üzvləri ilə görüşərək onların qayğı və ehtiyacları ilə maraqlanıblar.
Baxış zamanı təmir işlərinin gedişi nəzərdən keçirilib və işlərin keyfiyyətlə və qısa müddətdə başa çatdırılması ilə bağlı müvafiq tapşırıqlar verilib.
Ev sahibi göstərilən diqqət və qayğıya, evinin təmiri və daim nəzarətdə saxlanılmasına görə ölkə rəhbərliyinə, xüsusilə Azərbaycan Respublikasının Prezidenti cənab İlham Əliyevə, rayon rəhbərliyinə, xeyriyyəçilərə və zəhməti olan hər kəsə minnətdarlığını ifadə edib.
