Qazaxıstanın yeni Baş naziri təyin olunub
6-02-2024, 17:28. Разместил: admin44
Qazaxıstan Prezidenti Kasım-Jomart Tokayev öz administrasiyasının sabiq rəhbəri Oljas Bektenovu respublikanın yeni Baş naziri təyin edib.
Bu barədə dövlət başçısının mətbuat xidməti məlumat yayıb.
Qazaxıstan Məclisinin (parlamentin aşağı palatası) deputatları bundan əvvəl keçirilən iclasda səs çoxluğu ilə prezidentə O.Bektenovun hökumət başçısı vəzifəsinə namizədliyinin təsdiqlənməsi üçün razılıq veriblər.
Xatırladaq ki, fevralın 5-də Prezident Kasım-Jomart Tokayev Baş nazir Alixan Smailovun rəhbərlik etdiyi hökumətin istefasını qəbul edib. İstefanın səbəbləri açıqlanmayıb. Eyni zamanda, Nazirlər Kabinetinin üzvlərinə yeni hökumət təsdiq olunana qədər öz vəzifələrinin icrasını davam etdirmək tapşırılıb.
"Yeni həyat" qəzeti,
www.yeniheyet.az
Вернуться назад