Masallıda bəzi dövlət qulluqçularına treninq keçirilmişdir

Masallı rayonunda dövlət müəssisələrində çalışan dövlət qulluqçularının əmək fəaliyyəti rayon İcra Hakimiyyəti tərəfindən daim nəzarətdə saxlanılır və mütəmadi treninqlər keçirilir.

Belə ki, Masallı rayon İcra Hakimiyyətinin Başçısı cənab Araz Əhmədovun tapşırıq və tövsiyələrinə uyğun olaraq Rayon İcra Hakimiyyəti Başçısı aparatının Ərazi idarəetmə və yerli özünüidarəetmə orqanları ilə iş şöbəsinin müdiri Tohid Hüseynovun göstərişi ilə şöbənin baş məsləhətçisi Nahid Həsənov tərəfindən Rayon İcra Hakimiyyəti Başçısının inzibati ərazi dairəsi üzrə nümayəndəliklərinin əməkdaşları üçün növbəti treninq keçirmişdir.

        

Tədbir Ulu Öndər Heydər Əliyev və şəhidlərin əziz xatirəsinin bir dəqiqəlik sükutla yad edilməsi ilə başlanmışdır.

       

Treninqdə ərazi nümayəndəliklərində müvafiq sənədləşmə işlərinin təşkili,  dövlət qulluqçularının etik davranış qaydaları və vətəndaş müraciətləri haqqında Azərbaycan Respublikasının Qanununun tələbləri barədə iştirakçılara geniş məlumat verilmiş, mövzu ətrafında diskusiyalar edilmiş, praktiki nümunələr izərində iş aparılmışdır.

       

Gorüş interaktiv formada davam etdirilərək, çoxsaylı suallar cavablandırılmış, sənədləşmə işlərində bir sıra çətinliklər müzakirə edilmişdir.

        

Tədbirin keçirilməsində məqsəd ərazi numayəndəliklərində çalışan və xüsusilə yeni vəzifəyə təyin olunmuş dövlət qulluqçularının peşə hazırlığını yüksəltmək olmuşdur.