Masallıda “Zərərli vərdişlər və erkən nikahın fəsadları” mövzusunda konfrans
22 may 2025-ci il tarixdə Masallı rayon Heydər Əliyev Mərkəzində “Konstitusiya və Suverenlik İli” çərçivəsində: “Zərərli vərdişlər və erkən nikahın fəsadları” mövzusunda konfrans keçirilmişdir.
Tədbirdə Masallı rayon İcra Hakimiyyətinin başçısı Araz Əhmədov, Lənkəran-Astara Regional Təhsil İdarəsinin müdiri Bəhruz Mehdiyev, hüquq mühafizə orqanları, idarə müəssisə və təşkilat rəhbərləri, valideynlər iştirak etmişdir.
Konfrans Ulu Öndər Heydər Əliyevin və ölkəmizin ərazi bütövlüyü uğrunda canından keçən şəhidlərin əziz xatirəsini bir dəqiqəlik sükutla yad edilməsi ilə başladı və dövlər himni səsləndirildi.
Masallı rayon İcra Hakimiyyətinin başçısı Araz Əhmədov konfransı açaraq qeyd etmişdir ki, “Zərərli vərdişlər və erkən nikahın fəsadları” mövzusunda ümumtəhsil məktəblərində tədris ili müddətində mütəmadi olaraq şagirdlərlə görüşlər keçirilir. Bu gün isə maarifləndirmə işini valideynlərlə aparmağın da böyük rolu olduğunu düşnürük. Hər iki təbəqə ilə görüş tədbirləri yeniyetmə və gənclər arasında sağlam həyat tərzinin təbliği işini daha da yaxşılaşdırmaq, narkomanlığın fəsadları haqqında düzgün təsəvvürlər formalaşdırmaq və eyni zamanda erkən nikahın yaratdığı problemlər barədə daha geniş məlumatlandırmaq məqsədi daşıyır.
Qeyd etmək istəyirəm ki, erkən nikah Masallı Rayon İcra Hakimiyyəti tərəfindən daim diqqətdə saxlanılan mövzudur. Bu səpkidə tədbirlərin keçirilməsi və maarifləndirmə işlərinin aparılmasının nəticəsidir ki, əvvəlki illərdən fərqli olaraq hal-hazırda erkən nikah halları azalmaqdadır.
Konfransda çıxış edən Lənkəran-Astara Regional Təhsil İdarəsinin müdiri Bəhruz Mehdiyev qeyd etmişdir ki, sağlam nəslin formalaşması istiqamətində həyata keçirilən tədbirlər sırasında narkomaniya və narkotik vasitələrin qanunsuz dövriyyəsi ilə mübarizə mühüm yer tutur.
Sonra Masallı rayon Mərkəzi Xəstəxanası PHŞ-nin direktoru İlqar Ramiz oğlu və Lənkəran-Astara Regional Təhsil İdarəsi Masallı rayonu üzrə təhsil sektorunun müdiri Elman Rzayev çıxış edərək bildirmişlər ki, keçirilən bu şəkildə tədbirlərlə yanaşı məktəb rəhbərliyi müəllim və valideyin assosasiyası ilə birlikdə bu məsələlərlə bağlı mübarizə aparmalıdırlar.
Belə hallara son qoyulması üçün ən əsas valideynlər maarifləndirilməlidir. Məktəb rəhbərlikləri valideynlərlə mütəmadi görüşlər keçirilməli və erkən nikahın fəsadları ilə bağlı məlumatlar verməlidilər.
Konfransda maarifləndirici videoçarxlar nümayiş etdirilib.
Öz övladının sağlam gələcəyini təmin etmək hər bir valideynin borcudur.
