Masallıda “Milli-mənəvi dəyərlər, həmrəylik və humanizm” adlı konsert
28 noyabr 2025-ci il tarixdə Masallı Rayon İcra Hakimiyyəti və Lənkəran-Astara Regional Mədəniyyət İdarəsinin birgə təşkilatçılığı ilə “Konstitusiya və Suverenlik İli” çərçivəsində “Milli-mənəvi dəyərlər, həmrəylik və humanizm” adlı sərgi və konsert proqramı təşkil edilib.
Tədbirdə Masallı Rayon İcra Hakimiyyəti Başçısının müavini- Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov, Masallı Rayon İcra Hakimiyyəti Başçısının Aparatı, mədəniyyət işçiləri, idarə-müəssisə, təşkilat rəhbərləri, tələbələr, məktəblilər, sakinlər və media nümayəndələri iştirak etmişlər.
Tədbir iştirakçıları öncə mərkəzin dəhlizində təşkil edilmiş kitab və rəsm əsərlərindən ibarət sərgi ilə tanış olmuşlar.
Masallı Rayon Heydər Əliyev Mərkəzində baş tutan tədbir Ulu Öndər Heydər Əliyevin və Azərbaycan Respublikasının suverenliyi və ərazi bütövlüyü uğrunda canlarından keçən şəhidlərimizin əziz xatirəsinin 1 dəqiqəlik sükutla yad edilməsi ilə başladı.
Tədbirdə Azərbaycan Respublikası Prezidentinin 28 dekabr 2024-cü il tarixli, 477 nömrəli Sərəncamı ilə 2025-ci ilin “Konstitusiya və Suverenlik ili” elan edilməsi qeyd edilmiş və bildirilmişdir ki, 2025-ci ilin ilk günlərindən rayonun hər yerində “Konstitusiya və Suverenlik ili”nə həsr olunmuş silsilə tədbirlər həyata keçirilir.
Daha sonra Atamoğlan və Peyman Zahidovlar “Yaşa, Azərbaycan”, Ülvi Quliyev “Azərbaycan”, Mirəhməd Kərimov “Bulaq üstə gedən gözəl”, Təhməz Məmmədov “Şur” təsnifi, “Halay” xalq folklor kollektivi, Elmar Abduləhədov “Torpağına canım qurban, Azərbaycan”, ”Masallı” rəqs qrupu Azərbaycan suitasını təqdim etdi.
Konsert proqramı tamaşaçılar tərəfindən alqışlarla qarşılanıb.
