Hişkədərə kənd ümumtəhsil məktəbində yetkinlik yaşına çatmayanların maarifləndirilməsi
04 dekabr 2025-ci il tarixdə Masallı rayonu Elşad Ağayev adına Hişkədərə kənd ümumtəhsil məktəbinin müəllimlərin və şagirdlərin iştirakı ilə Yetkinlik yaşına çatmayanlar tərəfindən törədilən cinayətlərin, həmçinin yetkinlik yaşına çatmayanların təzyiqlərə, məişət zorakılığına məruz qalma, cinsi və əmək istismarına təhrik etmə, erkən nigaha cəlb olunma hallarının, yetkinlik yaşına çatmayanlar və gənclər arasında narkomanlığın qarşısının alınması məqsədi ilə tədbir keçirilmişdir.
Tədbirin əvvəlində Ulu Öndər Heydər Əliyevin və torpaqlarımızın işğaldan azad olunması uğrunda gedən döyüşlərdə qəhrəmancasına şəhid olmuş şəhidlərin xatirəsi bir dəqiqəlik sükutla yad edilib.
Tədbirdə Masallı rayon Polis şöbəsinin rəisi, polis-polkovniki Azay Ağayev, Masallı rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini Abbas Abbaszadə, Polis şöbəsinin rəis müavini, polis-mayoru İxtiyar Talıbov və Lənkəran-Astara Regional Təhsil idarəsinin Masallı rayon Təhsil sektorunun müdiri Elman Rzayev şagirdlər üçün Polis Akademiyasında təhsilə təşviqlə bağlı söhbətlər aparmışlar.
Daha sonra tədbir debat formatında davam etmiş və şagirdlərin sualları cavablandırılmışdır.
