Masallıda I qrup əlil ailəsi ziyarət olunub
Masallı şəhər sakini, I qrup əlil İsayeva Aygün Kərim qızı və onun övladı, 1994-cü il təvəllüdlü I qrup əlil İsazadə Şahin İqrar oğlu rayon rəhbəri tərəfindən ziyarət olunub.
Ziyarətin məqsədi ailənin sosial vəziyyəti ilə yaxından tanış olmaq və onlara mənəvi dəstək göstərmək olub.
Qeyd edək ki, Beynəlxalq Əlillər Günü münasibətilə rayon rəhbəri ailəni ziyarət edərkən onların yaşadıqları ünvanda liftin uzun müddət nasaz vəziyyətdə olduğu məlum olmuş və ailənin rahatlığı üçün liftin bərpa olunması qərara alınmışdı.
Ailə üzvləri bildiriblər ki, aparılan yenidənqurma işləri nəticəsində lift qurğusu daha təhlükəsiz və istifadəyə yararlı vəziyyətə gətirilib. Bu da Şahin İsazadənin gündəlik hərəkət imkanlarını genişləndirərək onun evdən rahat şəkildə istifadə etməsinə şərait yaradıb. Liftin işlək vəziyyətə gətirilməsi onların gündəlik həyatını xeyli asanlaşdırıb və sosial şəraitlərinin yaxşılaşdırılmasına mühüm töhfə verib.
Görüş həm mənəvi dəstəyin göstərilməsi, həm də vətəndaşlara göstərilən qayğının nümunəsi kimi qiymətləndirilib. Rayon rəhbərinin ailəyə göstərdiyi dəstək və yardım vətəndaşlarla birbaşa ünsiyyətin vacibliyini bir daha nümayiş etdirib.
Sonda ailə üzvləri göstərilən qayğıya görə Azərbaycan Respublikasının Prezidenti cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya və rayon rəhbərinə minnətdarlıqlarını ifadə ediblər.
