• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallının ilk Əməkdar müəllimi – Nəzirməmməd Məmmədəliyev

    Masallının ilk Əməkdar müəllimi – Nəzirməmməd Məmmədəliyev

     

     Masallının ilk Əməkdar müəllimi – Nəzirməmməd Məmmədəliyev

    Rəhim Tağıyev adına Masallı Rayon Tarix-Diyarşünaslıq Muzeyində rayon ağsaqqallar şurasının təşəbbüsü ilə ötən əsrin tanınmış maarif fədaisi Nəzirməmməd Məmmədəliyevin 120 illik yubileyi ilə bağlı tədbir keçirildi. Tədbirdə N.Məmmədəliyevə həsr olunmuş “Masallının ilk əməkdar müəllimi” kitabının təqdimat mərasimi oldu.
    Rayon ağsaqqallar şurasının sədri, III dərəcəli “Vətənə Xidmətə görə” ordenli Ələşrəf Niftiyev Nəzirməmməd Bəşir oğlu Məmmədəliyevin həyatı, pedaqoji fəaliyyəti barədə məlumat verdi. Yazıçı-publisist bildirdi ki, N.Məmmədəliyev Masallı rayonunun Səmidxan kəndində anadan olub. O, 93 il yaşayıb. 1921-ci ildən pedaqoji fəaliyyətə başlayıb. İsmayıl Əzimovla birgə Lənkəran qəza məktəbini bitirib kəndə qayıdıb. Onların şəxsi səyləri ilə “Lənkəran qəzası, Ərkivan nahiyəsinin Şərəfə kən birinci beşsinifli məktəbi” yaradılıb. Şərəfəli Həsən Kərimov, Mikayıl Əzimov, hacıtəpəli Zəbi Quliyev, tatyanlı Məmməd Kazımov və başqaları bu məktəbin ilk məzunları olub. Xalq isə onları Mirzə İsmayıl, Mirzə Nəzir deyə çağırmağa başlayıb. Kəndlərdə savadsızlığın ləğv edilməsində, pedaqoji kadrların yetişməsində böyük rolu olub. Alvadı, Səmidxan, Öncəqala, Çaxırlı və digər kənd məktəblərinin təşkilində yaxından iştirak edib. Rayonda fəal ictimaiyyətçi kimi tanınıb. 1925-ci ildən Sov.İKP-nin üzvü olan N.Məmmədəliyev yarım əsrdən artıq müəllimlik edib, 30 il məktəb direktoru işləyib. 20 ildən artıq müxtəlif kolxozlarda sədr və ilk partiya təşkilatı katibi kimi çalışsa da axşamlar məktəbdə müəllimlik edib. Azərbaycanın Əməkdar müəllimi (Masallıda ilk dəfə) fəxri adına layiq görülüb, “Qırmızı Əmək Bayrağı” ordeni, “Zərbəçi”, “Maarif əlaçısı” fəxri adları, bir neçə medal və mükafatlarla təltif olunub. 13 il dini təhsil alıb. Güclü yaddaş sahibi olub, rus, türk, ərəb, fars və başqa dilləri bilib, eləcə də “Qurani-Kərim”i tərcümə edib, təfsirini verərmiş.
    Zamanın çətin sınaqlarından alnı açıq, üz ağ çıxıb. Ömür-gün yoldaşı Surəbəyim ana (1908-1996) ilə 4 oğul, 6 qız böyüdüblər. Məmməd (1925-1996, ”Maarif əlaçısı” fəxri adını qazanıb), Kübra, Nazilə, Maral ata yolunu davam etdirib. Nərgiz (1927-2017) evdar qadın olub, Sədi (1932-1989) həkim, Vaqif (1950-2015) turizm sahəsində işləyib. Şükufə (1936-2002), Tamara Masallıda əmək fəaliyyətini davam etdirib. Vidadi daxili işlər orqanlarında çalışıb.
    Qeyd edək ki, rayon ərazisindəki bir neçə gül-çiçək parkı, o cümlədən kəndlərdəki “Nəzir bağı”, “Veteran bağı”, “Müəllim bağı”,”Nəzirməmməd bağı” təbiətə vurğun bu insanın zəhməti sayəsində boy atıb.
    Kitabın müəllifi, “Mübariz qadın” qəzetinin redaktoru Sevinc Əliyeva çıxışında bildirdi ki, əsərdə Nəzirməmməd Məmmədəliyevin müəllim ömrünü təfərrüatı ilə canlandırmağa, bu şəxsiyyəti yeni nəslə tanıtmağa çalışmışam.
    Masallı Rayon Təhsil Şöbəsinin müdir müavini Samit İslamov qeyd etdi ki, N.Məmmədəliyevlə rayonumuzun pedaqoji ictimaiyyəti haqlı olaraq fəxr edir ki, onun yetirmələri içərisində yüzlərlə alim, minlərlə müəllim, həkim və digər peşə sahibləri var.
    Yazıçı-publisist Nurəddin Ədiloğlu Mirzə Nəzir kimi pedaqoqların timsalında müəllimi günəşə, könüllərin bağbanına, qəlb memarına bənzətdi.
    Tarix-Diyarşünaslıq Muzeyinin direktoru Əntiqə Tağıyeva dedi ki, Nəzirməmməd müəllim atam Rəhim Tağıyevlə dost olub, birlikdə savadsızlığa qarşı mübarizə apardıqlarına görə 1932-1936-cı illərdə onlara “Kult əsgər” fəxri fərmanı verilib. Səmidxan və Şərəfə kənd tam orta məktəblərinin direktorları Fikrət Həsənov, Gülcan Kərimova, müəllimlər Xankişi Xankişiyev, Nailə Məmmədova, veteran pedaqoq Əşrəf Mövsümov, Qafur Abıyev, qohumlardan Həsən Abdullayev, Natiq Kərimov, Şərqiyyə Bəşirova, İmanqulu Məmmədov, Solmaz Rəsulova, Əkbər Şahmarov, Paşa Bəşirov, şagirdləri Rahib Abıyev, Eminağa Hüseynov, Cavanşir Ağayev və başqaları N.Məmmədəliyevin rayonun təhsil tarixindəki xidmətindən, mənalı ömür yaşamından danışıb, xoş xatirələri dilə gətirdilər, sakit təbiətli, mülaim yerişli, rəvan danışıqlı, zaraftcıl Mirzə Nəziri ehtiramla yad etdilər.
    Göstərildi ki, el ağsaqqalı N.Məmmədəliyev Azərbaycanda tanınan əsl ziyalı ailəsi yetişdirib. 50 nəvəsi, 125 nəticəsi, 74 kötücəsi, 1 iticəsi var. Əksəriyyəti ali təhsillidir. 30 nəfəri xaricdə yaşayır və ya təhsil alır. Təkcə onu demək kifayətdir ki, bu şəcərədə 50-yə yaxın həkim var.
    Çıxışlarda xalqına, dövlətinə sadiq bu nəcib və xeyirxah insanın həyat yolu gənc nəsilə vətənə, torpağa məhəbbət hisslərinin aşılanmasında örnək kimi səciyyələndirildi. Bildirildi ki, məktəbi, təhsili tərəqqinin, inkişafın beşiyi sanan Nəzirməmməd müəllim hər zaman xatırlanacaq və bu ədalətli, mərd şəxsiyyətin irsi təkcə övladları deyil, bu məktəbdən bəhərələnənlər tərəfindən uğurla davam etdiriləcək.
    Nəticələri Bəşir və Zeynəb şeir səsləndirdilər.
    Oğlu Vidadi Məmmədəliyev, qızları Nazilə və Maral Bəşirovalar tədbirin təşkilinə görə rayon rəhbərliyinə, aidiyyəti təşkilatlara minnətdarlıq bildirdilər.
    N.Məmmədəliyevin Almaniyada yaşayan qızı, orada fəaliyyət göstərən Azərbaycan Cəmiyyətinin fəal üzvü Nazilə Bəşirovaya, kitabın müəlifi Sevinc Əliyevaya rayon ağsaqqallar şurasının Fəxri fərmanları təqdim edildi.
    İştirakçılar muzeydə müəllimlər müəllimi Nəzirməmməd Məmmədəliyevin həyat yolunu əks etdirən guşə ilə tanış oldular.

                                                                                          Akif AĞAYEV,
                                                                                       “Yeni həyat”,
                                                                                    www.yeniheyet.az
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 13:51 «Baba bulağı» bağının ilk nübarı
    2. 11:39 Masallı şəhərinin 18 küçəsi asfaltlanacaq
    3. 20:21 Masallı Rayon İcra Hakimiyyətində yeni təyinat
    4. 20:06 Masallı RİH başçısı növbəti onlayn qəbul keçirib
    5. 14:22 Masallıda bostan və tərəvəz bitkilərinin əkin sahəsi genişlənib
    6. 14:08 Masallıda günəbaxan və noxud da yetişdirilir
    7. 15:18 Masallıda Böyük Vətən müharibəsi veteranlarına ərzaq sovqatları paylanılıb
    8. 14:26 Masallıda kartof yığımı başa çatır
    9. 16:36 MASALLIDA BU GÜNƏDƏK 1840 TON SOĞAN YIĞILIB
    10. 16:27 Azərbaycanın yenilməz ordusunun igid, cəsur, mərd hərbçiləri bu gün də mənfur düşmənlə üz-üzə durub və qəhrəmancasına mübarizə aparırlar
    11. 15:22 MASALLIDA 10 ƏDƏD SUBARTEZİAN QUYUSU QAZILIR
    12. 15:13 Masallıda “VƏTƏNƏ SEVGİ ƏN ÜLVİ HİSSDİR” mövzusunda onlayn konfrans keçirilib
    13. 19:00 Masallı RİH başçısı tərəfindən vətəndaşların növbəti videoqəbulu keçirilib
    14. 17:53 Prezident İlham Əliyev Qurban bayramı münasibətilə Azərbaycan xalqını təbrik edib
    15. 13:03 Masallı rayonunda su təminatı yaxşılaşdırılır
    16. 12:11 Masallının Xırmandalı kəndində yolların təmirinə başlanılıb
    17. 16:56 MASALLIDA TƏRƏVƏZ VƏ BOSTAN BİTKİLƏRİNİN YIĞIMI
    18. 16:46 Ölkəmizdə bütün infrastruktur layihələr ardıcıl şəkildə icra edilir
    19. 16:36 Arıçıların əməyi diqqət mərkəzindədir
    20. 12:36 Türkoba qəbiristanlıqlarında abadlıq işləri
    21. 19:00 Masallı RİH başçısının növbəti onlayn qəbulu
    22. 11:48 MASALLIDA 253,9 HEKTARDA ÇƏLTİK BECƏRİLİR
    23. 11:16 Masallı "Gənclər Evi" “Mətbuatda dünən və bu gün" adlı onlayn tədbir keçirib
    24. 17:39 Şəhid ailələri, müharibə əlilləri, müharibə veteranları, məcburi köçkünlər daim dövlətin diqqət və qayğısı ilə əhatə olunur
    25. 17:32 Masallıda aqrar sahənin inkişafına xüsusi diqqət var
    26. 13:15 MASALLIDA “YAŞIL QIZIL” YIĞIMI
    27. 19:00 Masallıda RİH başçısı tərəfindən vətəndaşların növbəti videoqəbulu
    28. 13:33 MASALLIDA TÜTÜN YIĞIMI DAVAM EDİR
    29. 13:22 Düşmən hücumları nəticəsində mülki əhaliyə, dövlət əmlakına, o cümlədən infrastruktur obyektlərinə dəymiş ziyan hər zaman operativ şəkildə aradan qaldırılır
    30. 20:17 Masallıda gənclər arasında onlayn qaydada şahmat yarışı keçirilib
    31. 20:00 Masallıda “Əsgərə salam” aksiyası davam edir
    32. 19:41 Masallıda yay şumuna başlanıb, barama təhvilinə yekun vurulub
    33. 18:19 Masallıda Milli Mətbuatın 145 illiyi ilə bağlı onlayn tədbir keçirilib
    34. 13:05 Masallıda “Nə? Harada? Nə zaman?” intellektual yarışı
    35. 12:54 "Azəriqaz" əsgər ailəsinin təbii qaza olan borcunu ödəyib
    36. 12:48 “QİSAS ANDIMIZDIR”
    37. 21:00 BÜTÜN QAFQAZIN ŞEYXİ MASALLIDA
    38. 20:00 Qafqaz Müsəlmanları İdarəsinin sədri şəhid Anar Novruzovun məzarını ziyarət edib
    39. 18:00 Masallı RİH başçısı vətəndaşların növbəti virtual qəbulunu keçirib
    40. 12:18 Masallıda pandemiya ilə bağlı görülmüş işlər barədə
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Masallı turizm mərkəzinə çevrilir
    Masallı turizm mərkəzinə çevrilir
     Masallı turizm mərkəzinə çevrilir İstisuda müalicəvi turizm şəhərciyinin salınması təkcə rayonu yox, bölgəni böyük mərkəzə Ətraflı oxu
    Bütün xəbərlər
    «    Avqust 2020    »
    BeÇaÇCaCŞB
     12
    3456789
    10111213141516
    17181920212223
    24252627282930
    31 
    DÜNYA XƏBƏRLƏRİ