• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Ağdamda Azərbaycan Milli şəhərsalma Forumunun açılş mərasimi

    Ağdamda Azərbaycan Milli şəhərsalma Forumunun açılş mərasimi


    BMT-nin Məskunlaşma Proqramı (UN-HABITAT) ilə Dövlət Şəhərsalma və Arxitektura Komitəsinin işbirliyi, ADA Universitetinin təşkilati dəstəyi ilə Azərbaycan Milli Şəhərsalma Forumu keçirilib.Azərbaycan Respublikasının Prezidenti İlham Əliyev və birinci xanım Mehriban Əliyeva Forumun açılış mərasimində iştirak edib. Prezident İlham Əliyev Azərbaycan Milli Şəhərsalma Forumunun açılış mərasimində çıxış edib. Mövzusu “Dayanıqlı İnkişaf Məqsədləri” və “Yeni Şəhər Gündəliyi” – postmünaqişə dövründə bərpa və yenidənqurmanın aparıcı qüvvəsi kimi” olan Forum Ağdamda keçirilib. Bu, Ağdamda keçirilən ilk böyük beynəlxalq tədbir kimi tarixə düşəcək. Ola bilsin, yalnız işğaldan azad edildikdən sonra deyil, ümumən Ağdam şəhərinin tarixində belə miqyas, format və məzmunda tədbir ilk dəfə keçirilirdi: söhbət 44 ölkədən 130-dan çox nümayəndə, ümumilikdə 400 nəfərdən çox insanın qatıldığı mühüm Forumdan gedir.

    Ağdam Forumundan 100 gün öncə - 27 iyun 2022-ci ildə Polşanın Katovitse şəhərində keçirilən Ümumdünya Şəhər Forumunun “Daha yaxşı gələcək naminə şəhərlərimizi dəyişdirək” mövzulu XI sessiyasında videoformatda çıxış edən Azərbaycan Prezidenti respublikamızın Ümumdünya Şəhər Forumunun növbəti sessiyalarının birinə evsahibliyi etmək arzusunu və buna hazır olduğumuzu bildirmişdi. Budur, “Bizim sözümüz imzamız qədər keçərlidir” deyən Prezident İlham Əliyevin açılış nitqi söylədiyi Azərbaycan Milli Şəhərsalma Forumu uğurla baş tutdu.Ölkəmiz onlarla fərqli foruma evsahibliyi etmiş olsa da, Milli Şəhərsalma Forumu bizimçün ilk təcrübədir. Bu ilk təcrübənin məhz Ağdam şəhərində - daha doğrusu, şəhər yerində qazanılması özlüyündə bir uğurlu hadisədir. Necə deyərlər, gəldilər, eşitdilər, gördülər.

    BMT-nin Məskunlaşma Proqramının icraçı direktoru xanım Maimuna Mohd Şərifin Ağdamdakı Forumda çıxışına diqqət edək: “Zati-aliləri Prezident İlham Əliyevin himayəsi altında Azərbaycan hökumətinin təşkil etdiyi ilk Milli Şəhərsalma Forumunda iştirak etmək mənim üçün böyük şərəfdir.Cənab Prezident, Ağdamda keçirilən birinci Azərbaycan Milli Şəhərsalma Forumuna dəvətiniz məni çox məmnun etdi. Bu konfrans zalı, Füzuli Hava Limanı və tikinti layihələri Sizin hökumətinizin postmünaqişə ərazisində şəhərlərin bərpası istiqamətində səylər göstərmək əzmini və fədakarlığını nümayiş etdirir. Siz vətəndaşlarınız üçün daha yaxşı gələcək qurursunuz. Təbrik edirəm”.Girişdə də vurğuladığımız kimi, Azərbaycan Prezidenti, Müzəffər Ali Baş Komandan İlham Əliyev Forumda çıxış edib. Dövlət başçısının çıxışı öz dərin məzmunu, informativliyi, beynəlxalq aləmə ismarıcları, ehtiva etdiyi qətiyyət və iradə ilə seçilir. “İndi görə bilərsiniz ki, bir zamanlar həyat dolu olan şəhərdən heç nə qalmayıb. O, dağıdılıb, işğal dövründə dağıdılıb” kimi cümlələrlə başlayan bu çıxış Ağdamın işğalöncəsi və işğal illərini, işğalsonrası dönəmi yığcam şəkildə çatdıran çox təsirli çıxış kimi yaddaşlarda qalacaq: “Artıq qeyd etdiyim kimi, Ağdam işğal illərində dağıdılıb.

    O, Birinci Qarabağ müharibəsi dövründə dağılmamışdı. O, sonradan, demək olar ki, 30 il ərzində daşları bir-bir sökülməklə dağıdılıb, bütün binalar viran qoyulub və sökülüb, daşlar oğurlanıb və satılıb. Görə bilərsiniz ki, yarıdağılmış yeganə tikili Cümə məscidinin binası olub. Lakin onun keçmiş işğal altında olan ərazilərdə Ermənistanın dağıtdığı digər məscidlərlə birlikdə dağıdılmamasının səbəbi odur ki, onlar minarələrdən müşahidə üçün, Azərbaycan Silahlı Qüvvələrinin potensial hərəkətini görmək üçün istifadə edirdilər. Lakin bizdə Ağdam məscidinin təhqir olunmasına dair foto və video sübutlar var. Ermənilər məsciddə donuz və inək saxlayıblar. Azad etdiyimiz ərazilərdə yerləşən ümumilikdə 67 məsciddən 65-i tamamilə dağılıb...Ağdamda gördüklərinizi Qarabağ ərazisində hər bir kənddə görə bilərsiniz. Bilirəm ki, qonaqlarımız buraya təyyarə ilə yeni tikilmiş Füzuli Hava Limanına gəliblər. Füzuli şəhəri tamamilə dağıdılıb. Bir tikili belə qalmayıb. Eynilə Cəbrayıl, eynilə Qubadlı, Zəngilan da. Bütün binaların dağıdılmadığı yeganə yerlər Şuşa, Laçın və qismən Kəlbəcər olub. Lakin bunun səbəbi odur ki, Ermənistan dövləti müxtəlif ölkələrdən olan erməniləri işğal edilmiş ərazilərdə yerləşdirmək üçün qanunsuz məskunlaşma siyasəti yürüdürdü.

    Bu, beynəlxalq hüququn və Cenevrə Konvensiyasının kobud şəkildə pozulması hesab olunur”.Beləliklə, Ağdam böyük bir Foruma evsahibliyi etdi. Dünyaya bir daha duyuruldu ki, Ermənistan hərbi-siyasi rəhbərliyinin göstərişi ilə işğal dönəmində ərazilərimizə 1 milyondan çox mina basdırılıb. Odur ki, işğala son vermiş Azərbaycanın qarşısında yalnız genişmiqyaslı bərpa proqramı durmur, eyni zamanda, ərazilərin minalardan təmizlənməsi, Ağdama böyük qayıdışın, hələliksə işçilərin təhlükəsizliyini təmin etmək vəzifəsi durur. 44 ölkədən olan 130-dan çox nümayəndə, onların vasitəsi ilə beynəlxalq ictimaiyyətə bir daha duyuruldu ki, müharibə başa çatandan bəri təxminən 250 azərbaycanlı minaların qurbanı olub. Təəssüf ki, 250 hələ son rəqəm deyil, az qala hər həftə yeni mina qurbanları olur. Yəni Ermənistanın Azərbaycana, mülki əhaliyə qarşı sürünən terror siyasəti hələ də davam edir.Bəli, Forumun keçirildiyi “Ruhlar şəhəri”, başqa bir deyimlə, “Qafqazın Xirosiması” adlandırılan Ağdam şəhərinə, ümumən işğaldan azad edilmiş ərazilərə gələn hər kəs Ermənistanın işğalının çox acı sonuclarını öz gözləri ilə görür: “Elə bil bu ərazilərdən vəhşi qəbilə keçib”.



    Yaqubzadə Fikrət Cəlil oğlu,
    Masallı rayonu, Babaküçə kəndi.



    “Yeni həyat” qəzeti
    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 19:39 Rayon rəhbərinin 06 sentyabr 2024-cü il tarixdə növbəti vətəndaş qəbulu
    2. 14:26 Rəqəmsal inkişaf və nəqliyyat naziri Masallıda vətəndaşları qəbul edib
    3. 11:29 “Azərbaycan müəllimi” qəzetinin 90 illik yubiley tədbiri keçirilib
    4. 09:33 Masallıdan olan idmançı paralimpiya üçüncüsüdür
    5. 17:52 Ehtirama layiq ad
    6. 17:50 Redaksiyaya məktub
    7. 15:31 Masallının Çaxırlı ərazisində şəhid küçələrinə asfalt örtüyü döşəndi
    8. 15:29 Masallı RİH Başçısı 04.09.2024-cü il tarixdə Təzəkənd ərazisinin sakinləri ilə görüşdü
    9. 15:11 Masallıda 2024-cü ilin sentyabr ayına olan səyyar-görüş qəbulları barədə
    10. 09:45 Poetik sözün rəngləri
    11. 09:01 Ulu Öndərin Naxçıvan Ali Məclisinin Sədri seçilməsi qonşularla, o cümlədən, Türkiyə ilə əlaqələrin qurulmasına meydan açdı
    12. 22:00 Ümummilli lider Heydər Əliyevin Naxçıvan Ali Məclisinin sədri seçilməsi, təkcə Naxçıvan üçün deyil bütün Azərbaycan dövlətçiliyinin qurulmasında tarixi hadisədir
    13. 07:03 Mərkəzi Seçki Komissiyası Milli Məclisə seçkilərin ilkin nəticələrini açıqlayıb
    14. 23:30 Azərbaycanın qurtuluş tarixinin başlandığı gün
    15. 19:59 Milli Məclisə seçkilər başa çatıb
    16. 19:58 Masallıda “Mediasiya fəaliyyətinin təşviqi və genişləndirilməsi” mövzusunda görüş
    17. 14:21 Qardaşların uğuru
    18. 18:22 MASALLIDA ORTA AYLIQ NOMİNAL ƏMƏKHAQQI 5,8 FAİZ ARTMIŞDIR - STATİSTİKA
    19. 10:03 DOĞMA MASALLIMIZ GÜNDƏN-GÜNƏ GÖZƏLLƏŞİR
    20. 09:58 Bələdiyyə həyatı. Problemlər həll olunur
    21. 20:22 Masallıda rayon rəhbəri şəhid ailələrini növbəti dəfə qəbul etdi
    22. 09:37 Özbəkistanda rəsmi səfəri zamanı Prezident İlham Əliyev mətbuata bəyanat vermişdir
    23. 09:07 26 avqust - Laçın şəhəri günüdür
    24. 21:30 Prezident İlham Əliyev Özbəkistanda rəsmi sərdə olmuşdur
    25. 21:00 Prezident İlham Əliyevin cari ilin 28 may tarixində Laçın şəhərində çıxışı ilə əlaqədar
    26. 16:47 2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar seçkilərdə müşahidə üçün veb-kamera quraşdırılan seçki məntəqələrinin SİYAHISI
    27. 10:00 Mehriban Əliyeva - Azərbaycan humanizminin simvolu
    28. 23:30 Azərbaycan ilə Özbəkistan arasında müttəfiqlik münasibətləri bu ölkələrin dövlət başçılarının səyləri nəticəsində yaradılıb
    29. 23:30 Laçının günü
    30. 23:30 26 avqust Laçın şəhəri günü
    31. 21:15 Masallıda "Şəhid və Veteran övladları arasında idman yarışması" adlı yarışma
    32. 21:13 Səyyar Gənclər Xidməti Masallı gəncləri ilə görüşüb
    33. 11:13 Bakıda Azərbaycan Respublikası ilə Rusiya Federasiyası arasında imzalanmış sənədlər
    34. 23:00 Prezident İlham Əliyev Rusiya Federasiyasının Prezidentinin Azərbaycana rəsmi səfəri ilə bağlı mətbuata verdiyi bəyanat verib
    35. 17:40 Masallılı pəhləvan dünya üçüncüsüdür
    36. 17:39 Biz hara gedirik
    37. 17:38 Həyatda Adəm övladına nə lazımdır?
    38. 17:36 Deyilən söz yadigardır
    39. 17:35 Tövsiyə
    40. 17:34 Vəfalı Səriyyənin hekayəsi
    «    Sentyabr 2024    »
    BeÇaÇCaCŞB
     1
    2345678
    9101112131415
    16171819202122
    23242526272829
    30 
    DÜNYA XƏBƏRLƏRİ