Masallıda 15-30 sentyabr 2025-ci il tarixlərində şəhid adına görülmüş işlər barədə
- 30-09-2025, 19:16
- Maraqlı
- 0
- 97
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman Rayon İcra Hakimiyyəti başçısı tərəfindən diqqət mərkəzində saxlanılır.
Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması, tibbi və psixoloji dəstək göstərilməsi istiqamətində davamlı işlər aparılır.
Xırmandalı, Yeddioymaq və Çaxırlı ərazilərində şəhidlərin şəkili olan lövhələr yenisi ilə əvəz olunmuşdur. Sığdaş ərazisində şəhid Amil Salayevin ailəsinə məxsus evin həyətində 60 metr uzunluğunda dəmir konstruksiya ilə hasarlanma işləri aparılmışdır.
Təklə kəndində şəhid Firuddin Dəmirovun abidə-bulaq kompleksinin yaxınlığında su quyusu qazılmışdır. 27 sentyabr Anım Günü ilə əlaqədar ərazilərdə ağacəkmə aksiyası keçirilmişdir. Aksiya çərçivəsində 1500 ədəd ağac əkilmişdir. 27 sentyabr-Anım günü ilə əlaqədar ərazilərdə şəhidlər abidə bulaq komplekslərində, şəhid məzarlarının ətrafında təmizlik işləri aparılmış və dövlət bayraqları yenisi ilə əvəz olunmuşdur. Boradigah və Xıl ərazilərində Anım günü ilə əlaqədar tədbir keçirilmişdir.
