Azərbaycan Prezidentinə yazırlar
- Bu gün, 13:07
- Maraqlı
- 0
- 5
Hörmətli cənab Prezident,
Sizin ölkəmizin inkişafı, beynəlxalq nüfuzunun artması istiqamətində gördüyünüz möhtəşəm işlər hər bir vətəndaş kimi məni də heyran edir. Televizorda dünya liderləri ilə görüşlərinizi izlədikcə, Sizə olan dərin ehtiram və rəğbəti gördükcə çox sevinirik. Həm də sevinirik ona görə ki, biz qalib xalqıq, torpaqlarımızı işğaldan azad etmişik, ölkəmizin ərazi bütövlüyü və suverenliyi tam təmin olunub.
Möhtərəm Prezident, Sizin tapşırığınızla respublikamızın hər bir bölgəsində olduğu kimi, Masallı rayonunda da abadlıq-quruculuq işləri həyata keçirilir. Diqqət və qayğınıza görə Sizə dərin minnətdarlığımızı bildiririk. Gördüyünüz bütün işlər xalqın Sizə olan məhəbbətini, inamını daha da artırır.
Mən bir vətəndaş kimi inanıram ki, Sizin rəhbərliyinizlə Azərbaycanımız gələcəkdə daha böyük uğurlar qazanacaq, bayrağımız daha uca zirvələrdə dalğalanacaqdır. Sizə işlərinizdə uğurlar arzulayıram.
Var olun, cənab Prezident!
Hörmətlə,
Zeynalabdin Zeynalov
Azərbaycan Respublikası, Masallı rayonu, Birinci Yeddioymaq kəndi.
