Ziyalı işığında
- 2-07-2025, 17:04
- Maraqlı
- 0
- 241
Dünən, 2 iyul 2025- ci il tarixdə Masallı Dövlət Regional Kollecinin təşkilatçılığı ilə Azərbaycan Yazıçılar Birliyinin üzvü, ziyalı pedaqoq Soltanağa Cəfərovun 75 illik yubleyinə həsr olunmuş “Ziyalı işığında “ adlı tədbir keçirildi. İlk öncə Ulu Öndər Heydər Əliyevin və Şəhidlərin əziz xatirələri 1 dəqiqəlik sükutla yad edildi.
Tədbiri Masallı Dövlət Regional Kollecinin metodisti Baba Həsənov açaraq, Azərbaycan Yazıçılar Birliyinin üzvü, böyük ziyalı, pedaqoq Soltanağa Cəfərovun 75 illik yubileyini təbrik etmiş və yubliyarın həyat və yaradıcılığı barədə qısa məlumat verdikdən sonra yubliyarın həyat və fəaliyyətinə həsr olunmuş “ Ziyalı işığında “ adlı video çarx təqdim olunmuşdur.
Masallı Dövlət Regional Kollecinin direktoru Rövşən Qurbanov çıxış edərək bildirmişdir ki,
Soltanağa müəllim ömrünü təhsilə, maarifə və gənc nəslin tərbiyəsinə həsr edib. O, neçə-neçə şagirdin yoluna işıq salıb, öz sözü, nəsihətləri ilə onları aydın gələcəyə yönəldib.Bu münasibətlə Soltanağa müəllimi ürəkdən təbrik edir, ona uzun ömür, cansağlığı və yeni-yeni yaradıcılıq uğurları arzulamışdır.
Tədbirdə Masallı rayon Ağsaqqallar şürasının sədri Ələşrəf Niftiyev, Soltanağa Cəfərovun oğlu Masallı rayon İcra Hakimiyyətinin əməkdaşı, Famil Cəfərov, gəlini Gülya Cəfərova, Azərbaycan təhsil işçiləri Azad Həmkarlar İttifaqı Masallı rayon Komitəsinin əməkdaşı Şahin Məmmədli, Masallının ziyalı ağsaqqalı Faxrəddin Talıbov, Masallı Dövlət Regional Kollecinin tədris işləri üzrə direktor müavini Namik Ağayev, kollecin təlim- tərbiyə işləri üzrə direktor müavini Dilarə Hüseynova Soltanağa Cəfərovu səmimi qəlbdən təbrik edib, təkcə müəllim yox, ağsaqqal, həm də həqiqi ziyalı olması hamımıza nümunədir söyləyərək, Allahdan uzun ömür, can sağlığı və həmişə belə uca, əzmkar qalmağı diləmişlər.
Sonda tələbələrin iştirakı ilə kompazisiya təqdim olunmuşdur.
