Masallının yollarında təmir işləri davam etdirilir 01-15 oktyabr 2025
- 15-10-2025, 19:11
- Maraqlı
- 0
- 212
Masallı rayonunda əhalinin rahat və təhlükəsiz hərəkətini təmin etmək məqsədilə bir sıra küçə və kənddaxili yollarda infrastrukturun yenilənməsi istiqamətində təmir-bərpa işləri aparılmışdır.
Belə ki, 47 saylı Yol İstismarı MMC tərəfindən Xıl kəndində 450 metr məsafədə yol qreyderlə hamarlanmış və çınqıl döşənmişdir. Tüklə kəndinin mərkəzi yolu cari təmir edilmişdir.
Tüklə ərazisinin Birinci Tiryaqanı kəndində 700 metr və Məmmədoba kəndində 120 metr məsafədə yola asfalt örtüyü döşənmişdir. Sığdaş kəndində kənddaxili küçəyə 300 metr məsafədə asfalt örtüyü döşənmişdir.
Çaxırlı ərazisində 3.5 km, Yeyənkənd ərazisində 950 metr, Lürən ərazisində 400 metr, Qızılavar ərazisində 400 metr, Türkoba ərazisində 150, Xırmandalı ərazisində 150 metr, Təzəkənd ərazisində 150 metr, Qarğalıq ərazisinin Qədirli kəndində 150 metr və Güllütəpə ərazisində 100 metr məsafədə kənddaxili küçəyə çınqıl döşənmişdir. Tüklə ərazisinin Məmmədoba kəndində kənddaxili küçəyə 300 metr məsafədə asfalt qırıntısı döşənmişdir.
Böyük Kolatan-Qodman avtomobil yolu 1.5 km məsafədə cari təmir olunmuşdur.
Təklə ərazisində 1.4 km, Yeyənkənd ərazisində 220 metr və Sərçuvar ərazisinin Sirəbil kəndində 200 metr məsafədə kənddaxili yol qreyderlə hamarlanmışdır.
Təklə ərazisinin Ləngan kəndində qəbiristanlığın yoluna və girişinə çınqıl tökülərək hamarlanmışdır. Tüklə ərazisinin Məmmədoba kəndində asfalt örtüyü döşənən yolun ətrafında qumlama işləri aparılmışdır.
