100 illik ömrün işığı

26-01-2026, 15:56
Maraqlı

0
1 297

Həsənli kənd mərasim evi, yüzlərlə insan tanınmış pedeqoq, müəllimlər müəllimi, SSRİ maarif əlaçısı, Baş müəllim, Əmək veteranı medalı Həsənli kənd tam orta məktəbinin müəllimi olmuş Ənvər Fəyyaz oğlu Abdullayevin anadan olmasının 100 illik tədbirinə toplaşıblar.

Aparıcı Cəmaləddin Əliyev tədbiri 1979-cu ilin məzunu, hazırda Murmansk şəhərində yaşayan Həbib Mikayılovun təbriki ilə açmışdır.

Tədbir başlamazdan öncə Azərbaycan Müstəqilliyi uğrunda qəhrəmancasına şəhid olanların və dünyasını dəyişən müəllimlərin əziz xatirəsi bir dəqiqəlik sükutla yad edilir.

Daha sonra məruzəçi müəllim Əlizaman Baxışov Ənvər Abdullayevin şərəfli həyat yolundan, 65 illik işlədiyi müəllimlik dövründən danışdı. Sonra isə Həsənlidən, hacıtəpədən, Məmmədxanlıdan, Təkdamdan, Köçəklidən gələn qonaqlar Ənvər müəllimin həyat yolundan ürək dolusu danışdılar.

Çıxış edənlər Bakıdan qonaq gəlmiş müəllim Qafur Kərimov, kənd sakinləri 1966-cı il məzunları Saleh Həziyev, İlham Dadaşov, Qurbanəli Vəlişov, Məhərrəm Quliyev, tanınmış müəllim Fazil Məhərrəm öz məzmunlu çıxışları ilə bizi orta məktəb illərinə apardılar. Ənvər Abdullayev müəllimlik təhsilini Lənkəran Pedeqoji Texnikomunda başa vurmuş və təyinatla 60 il Həsənli məktəbində müəllim işləmişdir.

Əmək müəllim gözəl ailə başçısı olmuşdur. 5 oğul 4 qız atası olmuşdur.

Tədbirdə Həsənli kənd tam orta məktəbinin müəllim kollektivi iştirak etmişdir. Şagirdlərin hazırladığı gözəl kompozisiya görə sonda məktəbin direktoru Yaqub Ələmova təşəkkür elan olunmuş şagirdlərə Fəxrifərmanlar və medallar verilmişdir.

Sonda Ənvər müəllimin oğlu 1979-cu il məzunu İlqar Abdullayev iştirakçılara dərin təşəkkürünü bildirdi və sinif yoldaşları Zöhrab Hüseynov, Adəm Əkbərov, Məhəmməd Məmmədovla, Pənah Abbasla, Sucəddin Quliyevlə, Dövlət Məmmədovla, Mehdi Mehdiyevlə, Nurəddin Quliyevlə, Məcid Dövlətovla, Əlikram Məmmədovla, Bəşir Bəşirovla xatirə şəkilləri çəkdirdilər.