Masallıda Böyük Vətən müharibəsi veteranlarına ərzaq sovqatları paylanılıb

Masallıda Böyük Vətən müharibəsi veteranlarına ərzaq sovqatları paylanılıb    

Koronavirus (COVID-19) pandemiyasının Azərbaycanda yayılmasının qarşısının alınması üçün ölkə rəhbərliyi tərəfindən reallaşdırılan genişmiqyaslı tədbirlər çərçivəsində müharibə veteranlarına iyulun əvvəlindən ərzaq yardımları paylanılır.
Aksiyanın məqsədi koronavirusun yayıldığı dövrdə yaşayışında çətinlik yaranan və ehtiyacı olan veteranlara dəstək göstərməkdir.
Aksiya çərçivəsində Azərbaycan Respublikası Müharibə, Əmək və Silahlı Qüvvələr Veteranları Təşkilatının, Masallı Rayon İcra Hakimiyyətinin və MƏSQ veteranlar təşkilatı rayon şöbəsinin nümayəndələrinin iştirakı ilə Masallıda yaşayan İkinci Dünya müharibəsi veteranlarına və onların ailələrinə ərzaq məhsullarından ibarət sovqatlar çatdırılıb.
Veteranlarla görüşlərdə ölkəmizdə tətbiq edilən xüsusi karantin rejiminə ciddi əməl olunmasının, zərurət yaranmadan digər şəxslərlə təmas qurulmamasının və virusun yayılmasının qarşısının alınmasına dəstək olacaq şəxsi gigiyenik qaydalara riayət edilməsinin vacibliyi vurğulanıb.
Çıxış edənlər Təşkilatın sədri general-polkovnik Tofiq Ağahüseynovun adından veteranları həmrəylik və xeyirxahlıq kimi mənəvi keyfiyyətlərin təcəssümünü tapdığı müqəddəs Qurban bayramı münasibətilə təbrik edib, onlara və ailələrinə cansağlığı, xoşbəxtlik arzulayıblar.
Təşkilat “Evdə qal, həyatları xilas et!” çağırışı ilə veteranlara müraciət edərək, onları və əhalini vətəndaş məsuliyyəti nümayiş etdirməyə, Nazirlər Kabineti yanında Operativ Qərargahın tövsiyə və tələblərinə ciddi riayət olunmasını tövsiyə edib. Bildirilib ki, Prezident İlham Əliyev hər bir veteranın Vətən qarşısındakı xidmətlərini daim yüksək qiymətləndirir. Koronavirus pandemiyasının bütün dünyanı bürüdüyü vaxtda dövlətimizin başçısı tərəfindən atılmış qabaqlayıcı addımlar nəticəsində ölkəmiz bu bəladan cüzi itkilərlə çıxmaq üzrədir.
Xatırladaq ki, “Biz birlikdə güclüyük!” çağırışına əsasən keçirilən aksiya Təşkilatın sədri general-polkovnik Tofiq Ağahüseynovun təşəbbüsü ilə həyata keçirilir.

“Yeni həyat”,      
www.yeniheyet.azшаблоны для dle 11.2