Masallının Boradigah qəsəbəsində rayon rəhbərinin 23 aprel 2025-ci il tarixdə səyyar görüş-qəbulu

23 aprel 2025-ci il tarixdə rayonun Boradigah qəsəbəsində Masallı Rayon İcra Hakimiyyətinin Başçısı Araz Əhmədov ərazinin sakinləri ilə növbəti səyyar görüş-qəbulunu keçirmişdir.

Masallı Rayon İcra Hakimiyyətinin Başçısı Araz Əhmədov səyyar görüş-qəbulunu açıq elan edərək qəbula gələn vətəndaşları salamlamış, ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.

Sonra rayon rəhbəri sözü Masallı rayon İcra Hakimiyyəti Başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.

Aparatın şöbə müdiri Elvin Fəttayev çıxış edərək ərazidə ötən qəbul zamanı 8 nəfər vətəndaş tərəfindən 11 məsələ qaldırıldığını, məsələlərdən 5-nin müsbət həll olunduğunu 6 məsələ ilə bağlı vətəndaşa qanunamüvafiq cavab verildiyini bildirmişdir.

Sonra şöbə müdiri ərazidə görülmüş işlər barədə məlumat verərək qeyd etmişdir ki, şəhid ailələri, aztəminatlı ailələr və kimsəsizlərə məişət, eləcədə işıq, qaz problemlərinin həlli ilə bağlı yardımlar göstərilmiş, Boradigah-Qumbaşı yolu 6 km məsafədə, Boradigah-Ərkivan yolu 2 km məsafədə cari təmir olunmuş, 4,8 km məsafədə daxili yollara çınqıl tökülmüş, 500 metr yol qreyderlə hamarlanmış, Boradigah ərazisində elektrik təsərrüfatı tam SİP kabelləşmiş, kabelləşməyə qədər ərazidə 1 transformator yenisi ilə əvəz olunmuş, 2 transformator təmir olunmuş, ərazidə 6.3 km məsafədə yararsız qaz xətti yenisi ilə əvəz olunmuş, 5 ədəd yeni qaztənzimləyici qurğu quraşdırılmış, GPON lahiyəsi üzrə “Aztelekom” İB və “CityNet” MMC şirkəti tərəfindən yeni internet xətti çəkilərək əhalinin istifadəsinə verilmişdir.

Daha sonra şöbə müdiri 6 ədəd artezian quyusunun qazılması, “Yaşıl dünya naminə həmrəylik ili” çərçivəsində 750 ədəd və “Konstitusiya və Suverenlik ili” çərçivəsində 550 ədəd olmaqla ümumilikdə 1300 ədəd ağacın əkilməsi, 3 şəhid adına bulaq inşa edilməsi, 530 ədəd məişət tullantıları qutusunun qoyulması, Babaser kəndində 500 metr kənddaxili yolun işıqlandırılması, Babaser kənd ümumi orta məktəbində 2 sinif otağının cari təmir olunması və Babaser kəndinə girişdə kəndin adını göstərən giriş qapısının inşa edilməsi barədə məlumatları görüş iştirakçılarının nəzərinə çatdırmışdır.

Vəhdət Xeyriyyə Cəmiyyətinin gördüyü işlər barədə əlavə məlumat verən şöbə müdiri qeyd etmişdir ki, ailə başçısını itirmiş 19 ailənin hər birinə hər ay 200 manat və 50 manatlıq ərzaq yardımı, ailə başçısını itirmiş bir ailəyə qəsəbədə ev tikilmiş və hal-hazırda təmiri davam etdirilir. Bir imkansız ailənin evinin dam örtüyü təmir edilmiş, Boradigah mərasim evi təmir olunmuş, ərazidə 3 xəstənin əməliyyat olunması üçün 16000 manata yaxın yardım göstərilmiş, Hemotologiya İnstitutunda əziyyət çəkən uşaqlardan 40 nəfərin ailəsinə hər birinə 3 kq ət, bir dializ xəstəsinə hər ay 200 manat, mütəmadi olaraq 300 ailənin hər birinə 3 kq ət və orta hesabla 60 manatlıq ərzaq yardımı olunmuşdur. Valideynini itirmiş 36 uşağa yeni il hədiyyəsi, məktəbli geyimi və dərs ləvazimatları alınıb imkansız ailələrə verilmiş, 2 km məsafədə içməli su xətti çəkilmiş, Boradigah istirahət parkında təmir işləri görülmüşdür. Mollaoba kəndində 40 imkansız ailəyə hər ay müxtəlif məbləğdə ərzaq və maddi yardımlar göstərilmişdir. Boradigah ərazisində ümumilikdə Vəhdət Xeyriyyə Cəmiyyəti tərəfindən 360000 manata yaxın məbləğdə xeyriyyə aksiyalarına vəsait sərf olunmuşdur.

Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı çıxış edən vətəndaşların müraciətinə həssaslıqla yanaşmış, qaldırılan məsələləri qeydiyyata alaraq nəzarətə götürülməsini təmin etmiş və müraciətlərin həlli istiqamətində tapşırıqlarını vermişdir.