Masallıda tullantıların daşınması üçün yeni pres maşını istifadəyə verildi
1-10-2025, 22:22. Разместил: admin44
Masallı Mənzil Kommunal Təsərrüfatı İstehsalat Birliyinin maddi-texniki bazası bir qədər də gücləndirilmişdir. Birliyə məişət tullantılarının daşınması üçün ən son texnologiyalar əsasında hazırlanmış müasir pres maşını verilib.
Masallı Rayon İcra Hakimiyyətinin başçısı Araz Əhmədov yeni texnikaya yerində baxış keçirərək, onun texniki imkanları və üstünlükləri ilə maraqlanmışdır.
Qeyd olunmuşdur ki, bu xüsusi təyinatlı nəqliyyat vasitəsi tullantıların yığılması və daşınmasında vaxt itkisini minimuma endirməklə yanaşı, təmizlik işlərinin keyfiyyətini də xeyli yüksəldəcək. Əhalinin gündəlik rahatlığına, şəhərimizin ekoloji təmizliyinə və abad görkəminə xidmət edəcək bu texnika Masallıda müasir standartlara uyğun xidmətin təmin olunmasına mühüm töhfə verəcəkdir.
Rayon rəhbərliyi bildirib ki, qarşıya qoyulan əsas məqsəd Masallını daha təmiz, abad və müasir şəhər kimi formalaşdırmaq, bu yolda əhalinin rahatlığını və məmnunluğunu təmin etməkdir.
Yeni pres maşının istifadəyə verilməsi bir daha göstərir ki, Masallıda təmizlik və abadlıq işləri daim diqqət mərkəzində saxlanılır və bu istiqamətdə ardıcıl tədbirlər görülməkdədir.
Вернуться назад