Məmmədoba kəndində şəhid Füzuli Əliyevin ailəsinin yaşadığı küçəyə asfalt örtüyü döşənmişdir
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman rayon İcra Hakimiyyəti başçısı tərəfindən diqqət mərkəzində saxlanılır.
Masallı Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması istiqamətində davamlı işlər aparılır. Rayonun bütün ərazilərində şəhid adına olan küçələr Masallı Rayon İcra Hakimiyyətinin təşəbbüsü ilə növbəli şəkildə asfaltlanır.
Belə ki, Tüklə ərazisinin Məmmədoba kəndində bələdiyyənin maddi dəstəyi ilə şəhid Füzuli əliyevin ailəsinin yaşadığı evə gedən küçəyə 150 kv.metr asfalt örtüyü döşənmişdir.
06 noyabr 2025-ci il tarixdə Masallı Rayon İcra Hakimiyyətinin başçısı Araz Əhmədov, başçının birinci müavini Tohid Hüseynov, 47 saylı Yol İstismarı MMC-nin rəisi Mahmud Bağırov, ərazi nümayəndəsi və bələdiyyə sədri və media nümayəndələri asfalt örtüyü döşənmiş küçəyə baxış keçirmişlər.
47 saylı Yol İstismarı MMC-nin rəisi Mahmud Bağırov rayon rəhbərinə yolda aparılan işlərlə bağlı geniş məlumat vermişdir.
