Rayon rəhbəri Ərkivan qəsəbə 1 saylı C.Cabbarlı adına tam orta məktəbində aparılan təmir işləri ilə tanış olub-26.08.2026
Masallı Rayon İcra Hakimiyyətinin başçısı Araz Əhmədov Ərkivan qəsəbəsində Ərkivan qəsəbə 1 saylı C.Cabbarlı adına tam orta məktəbdə Təhsil Nazirliyi tərəfindən aparılan təmir işləri ilə yerində tanış olub.
Baxış zamanı ərazi nümayəndəliyinin əməkdaşları, məktəb rəhbərliyi və aidiyyəti şəxslər iştirak ediblər.
Rayon rəhbərinə məktəbdə aparılan təmir işləri, görülmüş işlərin vəziyyəti və qarşıda duran məsələlər barədə məlumat verilib.
Araz Əhmədov görülən işlərlə tanış olaraq təmir işlərinin keyfiyyətlə və müəyyən edilmiş tələblərə uyğun şəkildə həyata keçirilməsinin vacibliyini vurğulayıb, işlərin gedişi ilə bağlı müvafiq tövsiyə və tapşırıqlarını verib.
Rayon rəhbəri məktəbdə təhsil alan şagirdlər üçün müasir və əlverişli təhsil şəraitinin yaradılmasının əhəmiyyətini qeyd edib.
